‘बहाव’को ‘मन रोग’ गितमा स्वतन्त्रताको खोजीमा सुरक्षा

सबस्त इन्टरटेनमेन्ट, काठमाडौँ: अभिनेत्री सुरक्षा पन्तको मुख्य भूमिका रहेको चलचित्र ‘बहाव’को ‘मन रोग’ गित सार्वजनिक भएको छ। गितको भिडियोमा अभिनेत्री सुरक्षा पन्त केहि बन्धनबाट मुक्त हुन खोज्दै आफैसंग रुमलिएकि छिन्। गितले उड़ान भर्न देउ मलाइ भन्दै एउटा ब्याक्तिको आफ्नै र परिवारको इक्षा रहरसंगको द्वन्द, मानसिक अवस्था चित्रण गरेको छ।

श्रीधर पौडेलको लगानीमा बनेको चलचित्र स्वर्णिम इन्टरटेनमेन्ट ब्यानरमा बनेको हो। योङ स्टार सिनेमा प्रस्तुतकर्ता रहेको चलचित्रलाई प्रमोद कँडेलले लेखन र निर्देशन गरेका हुन्।

चलचित्रमा सुरक्षासँगै कमलमणि नेपाल, अफरान अली, सुर्य शर्मा भट्ट, इश्वरी सिंह, हीरालाल कँडेल र पवन श्रेष्ठको अभिनय छ । सुजन बडालको सम्पादन, वसन्त सापकोटा, सुशान्त गौतम र रिकेश गुरुङको सङ्गीत रहेको चलचित्रमा सज्जा चौलागाईंको स्वर, अनन्त घिमिरेको कलर करेक्सन, मुकेश शाहको साउण्ड डिजाइन र मिक्सिङ र कार्तिकेय स्मिता कर्नाटकको छायाङ्कन छ ।

चलचित्रमा निगम श्रेष्ठको प्रोडक्सन डिजाइन, भारद्वाजसिंह माहिदाको फस्ट युनिट डिरेक्सन, विकास ठाकुरको स्टोरी एडिटर, प्रतीक श्रीवास्तवको स्टोरी डेभलपमेन्ट एण्ड आर्ट डिरेक्सन, सम्राट खनालको साउण्ड रेकर्ड, सीमा गुरुङको मेकअप, रञ्जीत क्षेत्रीको कस्ट्युम, सनीष सचुको पोस्टर डिजाइन, सुदीप दवाडीको मार्केटिङ स्ट्राटेजी, निर्वाना फिल्म स्कुलको प्रोडक्सन मेनेजमेन्ट र सिने जोनको पोस्ट प्रोडक्सन मेनेजमेन्ट छ । चलचित्रलाई आरआर फिल्मस्ले वितरण गर्दैछ । चलचित्र यहि चैत २४ गतेबाट देशभर प्रदर्शन हुँदैछ ।