बुद्धि तामाङको निर्माणमा ‘कुस्ती’ घोषणा, मुख्य भुमिकामा धीरज र मिरुना

सबस्त इन्टरटेनमेन्ट,काठमान्डौ – हास्य कलाकार कलाकार बुद्धि तामाङले तमु ल्होसारको अवसर पारेर नयाँ नेपाली चलचित्र ‘कुस्ती’ निर्माण गर्ने घोषणा गरेका छन् ।

अनिल योञ्जनको लेखन तथा निर्देशनमा बन्न लागेको चलचित्रको पोस्टर सार्वजनिक  गर्दै,पोस्टरमा धीरज मगर र मिरुना मगर रहेका  छन् । चलचित्रमा धीरज र मिरुनासँगै बुद्धि तामाङको पनि अभिनय रहने छ ।

अनुषा सिनेमावुड पिक्चर्सको ब्यानरमा बन्न लागेको चलचित्र ‘कुस्ती’ मा सम्बन्धमा रहेको एक जोडीको प्रेम कथा देखाइने  छ  ।

२०८२ को भदौ महिनामा प्रदर्शन हुने चलचित्रलाई काठमाडौंमा रीच इन्टरटेनमेन्ट र एप्पल इन्टरटेनमेन्ट, मोफसल एफडी कम्पनिले प्रदर्शनका लागि वितरण गर्नेछ ।