सबस्त इन्टरटेनमेन्ट,काठमान्डौ – अधृत फिल्म्स् र अ मोती फिल्मको संयुक्त प्रस्तुति बहु प्रतीक्षित नेपाली चलचित्र ‘: टेक वन’को गीत ‘के भरोसा गरम’ सार्वजनिक भएको छ । गीतको भिडियोमा नायक प्रदिप खड्कालाई दुई नायिकाहरू आना शर्मा, र दिव्या रायमाझीसँग फिचर्ड गरिएको छ ।
त्रिकोणात्मक प्रेमकथा देखाइएको गीत,हेर्दा रमाइलो लाग्छ भने सुन्दा मन पर्छ । गीतमा र्कुलस बस्नेत र इन्दिरा जोशीले स्वर भरेका छन् । उर्मिला गुरुङको शब्द र हर्कुलस बस्नेतको सङ्गीतले गीतलाई झन् राम्रो बनाएको छ । गीतमा किरण थापाले कोरियोग्राफी गरेका छन् । कलर ग्रेडिङ राजेन्द्र मोक्तानको रहेको छ ।
चलचित्रको निर्देशन राजन भुसालले गरेका हुन् भने स्क्रिप्ट आकाश बराल र राजन भुसालको सहकार्यमा तयार गरिएको छ । चलचित्रमा प्रदिप, आना, र दिव्याका साथै राजबल्लभ कोइराला, दिव्य देव, उषा रजक, सृजना अधिकारी, र सुशील सिटौलालगायतका कलाकारहरूको प्रमुख भूमिका रहेको छ ।
चलचित्रका निर्माता थमन कुमार भण्डारी, क्रियटिभ निर्माता मोती कार्की, र सह-निर्माता अनीश भुसाल रहेका छन् । चलचित्रमा छायाङ्कन नरेन्द्र मैनालीले गरेका छन् भने सम्पादन निमेष श्रेष्ठले गरेका छन् । चलचित्रमा हर्कुलससहित रोहित शाक्य, र एलिस कार्कीले सङ्गीत दिएका छन् ।
चलचित्र ‘एक्टर: टेक वन’ माघ १६ गते बाट रिलिज हुँदैछ ।
प्रतिक्रिया