‘मन बिनाको धन ठूलो कि धन बिनाको मन’ मा नीता ढुंगाना अनुबन्धित 

सबस्त इन्टरटेनमेन्ट,काठमान्डौ – गायक साथै संगीतकार टंक बुढाथोकीले निर्माण तथा निर्देशन गर्न लागेको चलचित्र ‘मन बिनाको धन ठूलो कि धन बिनाको मन’ मा धेरै कलाकारहरुको अनुबन्धन पछि नायिका नीता ढुंगाना मुख्य भूमिका का लागि अनुबन्धित भएकी छिन । चलचित्रको मुख्य भूमिकामा बाल गायक अशोक दर्जी हुने खबर पहिले नै निश्चित भैसकेको छ ।

चलचित्रमा नीता ढुंगाना,अशोक दर्जी, सरोज खनाल, रमेश विश्वकर्मा, बुद्धि तामाङ, रवीन्द्र झा, एआर बुढाथोकी, शंकर श्रेष्ठ, साम्राज्ञी थापा आदि  कलाकारहरुले अभिनय गर्ने छन  ।

चलचित्रमा शिवम अधिकारीको पटकथा तथा संवाद रहने छ भने कथा पनि निर्देशक बुढाथोकीले नै लेखेका हुन् ।चलचित्रलाई सौरभ लामाले छायांकन गर्नेछन् ।

सामाजिक विषयवस्तुमा निर्माण हुने यो सांगीतिक चलचित्रलाई बैंकटेश इन्टरटेन्टमेन्टले वितरणको जिम्मा लिएको छ।

अशोक दर्जीले आफ्नो पहिलो गीत ‘मन बिनाको धन ठुलो कि धन बिनाको मन’ मार्फत आफ्नो जीवन नै परिवर्तन गरेका छन् । गीतमा टंक बुढाथोकीको संगीत रहेको छ । दर्जी हाल काठमाडौंमा कक्षा ८ मा अध्ययनरत छन् । अशोक दर्जीलाई अध्ययनका लागि काठमाडौं ल्याएर अभिभावकत्व समेत दिइरहेका टंक बुढाथोकीले दर्जनौं फिल्ममा शब्द, संगीत र स्वर दिएका छन् । चलचित्रमा पनि टंक बुढाथोकीकै संगीत रहने छ।