सबस्त इन्टरटेनमेन्ट,काठमान्डौ – हरर कमेडी जनरामा बनेको चलचित्र ‘फिरफिरे फिरिरी’ को ट्रेलर सार्वजनिक गरिएको छ । चलचित्र विकास बोर्डको हलमा सोमवार दिउँसो आयोजित एक कार्यक्रमबीच फिल्मको ट्रेलर सार्वजनिक गरिएको हो ।
माघ ४ गतेदेखि प्रदर्शनमा आउने चलचित्रलाई नविन भट्टले निर्देशन गरेका हुन् । ट्रेलर रिलिज कार्यक्रममा बोल्दै निर्माता तथा कलाकार मनोज अधिकारीले चलचित्र फरक कथावस्तुमा र नौलो शैलीमा निर्माण गरिएको बताए ।
चलचित्रमा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बू, पुष्प अवस्थी लगायतको अभिनय छ । निर्देशक भट्ट र सन्दीप श्रेष्ठले चलचित्रको स्क्रिप्ट मिलेर लेखेका हुन् ।
मनोजकुमार अधिकारी चलचित्रका निर्माता हुन् । चलचित्रमा जितु तामाङको छायाङ्कन, केशवराज भट्टको कोरियोग्राफी, प्रशान्त शिवाकोटीको संगीत तथा अनन्त घिमिरेको सम्पादन रहेको चलचित्र बिन्दबासिनी क्रियसनको ब्यानरमा निर्माण भएको हो । चलचित्रलाई देशभर आरआर फिल्मस्ले वितरण गर्दैछ । चलचित्रको डिजिटल अधिकार म्युजिक नेपालले खरिद गरेको छ ।
प्रतिक्रिया