दयाहाङ र आँचलको ‘दुःखी आत्मा’ टिजर सार्वजनिक 

सबस्त इन्टरटेनमेन्ट,काठमान्डौ – क्लक वर्क कृएसनको ब्यानरमा हिमाल कडरियाको निर्माण अनि सुदिप ढकाल कार्यकारी निर्माता रहेको साथै निर्देशक दीपेन्द्र लामा लिखित तथा निर्देशित बहुप्रतिक्षित चलचित्र ‘दुःखी आत्मा’ को टिजर सार्वजनिक भएको छ ।

टिजरले चलचित्रको कथावस्तुबारे बताउछ । चरित्रको  यौन मनोविज्ञान र बाहिर मानिस खुसी भएपनि भित्र भित्रै ऊ कति दुखी छ भन्ने थिमलाई टिजरले दर्शाउन खोजेको छ ।

चलचित्रमा दयाहाङ राई, आँचल शर्मा,अनुपविक्रम शाहि,दिया मास्के र शिशिर बाङदेल लगायतका कलाकारहरु छन् |

चलचित्रमा चर्चित कवि श्रवण मुकारुङका विभिन्न १० वटा कविता पनि सामेल गरिएको छ । आलोक शुक्लाद्वारा छायांकन गरिएकोचलचित्र निमेष श्रेष्ठले सम्पादन गरिरहेका छन । चलचित्रलाई आरआर फिल्मस्ले वितरण गर्दैछ ।

चलचित्र ‘दुःखी आत्मा’ फागुन २ गते (भ्यालेन्टाइन्स डे) प्रदर्शनमा आउने छ ।