सबस्त इन्टरटेनमेन्ट,काठमान्डौ –ज्योतिराज राईको निर्माणमा बन्न लागेको चलचित्र ‘नाक्छोङ’ (विजुवा)को छायांकन सुरु भएको छ । विहिबार मोरङको बेलाबारीमा शुभ–मुर्हूत गर्दै चलचित्रको छायांकन सुरु गरिएको हो ।
चलचित्रको मुर्हूत परम्परागत भन्दा केही भिन्न तवरबाट गरिएयो । मुर्हूतमा स्थानिय विजुवाले तीन चुला र चिण्डोलाई पूजाससहित पुर्खाहरु सम्झदै चलचित्रको मुर्हूत गरेका थिए । मुर्हत कार्यक्रममा लेखक तथा निर्देशक नविन सुब्बा, मिलन चाम्स, बेलाबारी नगरपालिका वडा नं ११का वडाध्यक्ष बिक्रम वान्तवालगायत स्थानिय कलाकर्मी थुप्रैको उपस्थिती थियो ।
कार्यक्रममा कलाकार याशेली योङ्हाङ र हेम दिलुङ्छाले मुर्हूत सट दिदा त्यसको निर्देशक नविन सुब्बा, क्यामरा रोल वडाध्यक्ष बिक्रम वान्तवा र क्ल्याप मिलन चाम्सले पड्काएका थिए ।
मुर्हूतपछि बोल्दै निर्देशक नविन सुब्बाले राई जातीहरुको कथा, संस्कृति फिल्ममा कम आएको बताउदै यसक्षेत्रसँग सम्बन्धित निर्देशकले आफ्नै त्यस्ता बिषयबस्तुमा जोड दिनुपर्ने बताए । फिल्म ‘गाउँ आएको बाटो’मा आफुले राईको कथा केही देखाउन खोजेपनी त्यो पर्याप्त नभएको सुब्बाको भनाई थियो ।
निर्देशक मिलन चाम्सले ‘नाक्छोङ’को सुरुवात पितृहरुको सम्मान र सम्झनासहित सुरु भएकोले ईतिहास रच्ने फिल्म बनोस् भन्दै शुभकामना दिए । उनले ‘नाक्छोङ’ जस्ता चलचित्रले स्वदेशीको अलवा अन्तररास्ट्रिय बजारमा समेत प्रभाव जमाउन तागत राखे बताए ।
‘नाक्छोङ’का निर्माता ज्योतीराजले कार्यक्रममा सहभागी सबैप्रति आभार ब्यक्त गर्दै ‘नाक्छोङ’ बिजुवाको निर्माणको औचित्य राईको परम्परा जोगाएर पुस्तान्तरण गर्न रहेको बताए । हरेक चाड, विवाह, कुलपितृ, रीतिभेषभूषामा आवस्यक बिजुवाको संरक्षणका लागि फिल्म निर्माण गर्न लागेको बताए । ‘नाक्छोङ’ स्वदेशीको अलवा अन्तराष्ट्रिय फिल्म महोत्सवको लागि निर्माण हुन लागेको खुलाए । उनले भने, ‘अहिलेसम्मको अनुभव खन्याएर चलचित्र उत्कृष्ट बनाउनेछु ।’
चलचित्र किरण राईले निर्देशन गर्दैछन् । किरणले यसअघि ‘लुङा’ र ज्यापंचौ’ निर्देशन गरेका थिए । चलचित्रको लेखन समेत किरणले गरेका हुन् ।
याशेली योङ्हाङ, भुवन सिंह राई, सुस्मा सुब्बा, सरोज खालिङ, बबिन राई, अनुशा राई, सारा राई, त्रिचु राई, उत्तम राई, तयाहाङ राई, उदय सुब्बा कुरुम्बाङ, पूर्ण लिम्बु, दिनेश कोइराला, हेम दिलुङ्छा, बिनोद पोमो, प्रकाश सुब्बा लगायतको अभिनय रहने चलचित्रमा बाबु श्रेष्ठको छायांकन रहने छ । चलचित्रका मुख्य सहायक निर्देशक बारत लिम्बु रहेका छन् ।
चलचित्रको छायांकन काठमाडौंँको अलवा बिराटनगर, मोरङ लगायत पुर्वका बिभिन्न स्थानमा हुनेछ ।
चलचित्र बिकास बोर्ड अन्र्तगतको आदीवासी, जनजाती, मातृभाषी प्रवद्र्धन समितिका संयोजक समेत रहेका राईले यसअघि ‘लुङ्गा’, संगम, त्रिवेणी, पापी मान्छे, वान वे लगायत फिल्म निर्माण गरेका थिए । राईले केही अगाडि ‘सातौ बेलबारीआरजु राईस अन्तराष्ट्रिय आमन्त्रण गोल्डकप’का लागि २ तोला सुन र २ किलो ५ सय ग्राम चादिको रनिङ ट्रफि समेत प्रदान गरेका थिए ।
प्रतिक्रिया