सौगात,अनुप विक्रम र गीताञ्जली अभिनीत ‘जार’ वैशाख २६ मा रिलीज 

सबस्त इन्टरटेनमेन्ट,काठमान्डौ – साहित्यकार इन्द्रबहादुर राईको ऐतिहासिक कृतिमा आधारित चलचित्र ‘जार’ को निर्माण ब्यानर फेरी टेल पिक्चर्सले पोस्टर सार्वजनिक गर्दै प्रद्रशन मिति  घोषणा गरेको छ । आगामी वैशाख २६ गते चलचित्र प्रद्रशन हुने जानकारी निर्माण टिमले गराएका छन् ।

सार्वजनिक पोस्टरमा चलचित्रका प्रमुख तीन पात्रलाई क्यारेक्टर लूक्समा देखाइएको छ ।

चलचित्रकोमुख्य भुमिकामा अभिनेताहरु सौगात मल्ल, अनुप विक्रम शाही र भारतीय राष्ट्रिय चलचित्र पुरस्कार विजेता अभिनेत्री गीताञ्जली थापा छन् । ‘लायर्स डाइस’ बाट उत्कृष्ट अभिनेत्री विधामा भारतको राष्ट्रिय अवार्ड जितेकी गीताञ्जली अभिनित फिल्म टोरन्टो, बुसान, लस एन्जलस, न्युयोर्क लगायतका विश्व चर्चित फिल्म फेस्टिभलमा समेत स्क्रिनिङ भइसकेका छन् । नेटफ्लिक्स सिरिज ‘सेक्रेड गेम्स’ मा पनि गिताञ्जलीले अभिनय गरेकी छिन् ।

फूर्वा छिरिङ लामाको निर्देशनमा तयार भएको चलचित्रको सम्पूर्ण छायांकन सिक्किममा गरिएको छ । होप रिल्स, एलए सेभेन सर्ट्स, बराल स्टुडियो र किवा प्रोडक्सनको सहकार्यमा निर्माण भएको चलचित्रको कार्यकारी निर्मातामा त्रिलोचन पाण्डे, नीरज राई, नुर्साङ भुटिया, ज्योती क्षेत्री र पेमा रिन्जिङ लेप्चा छन् ।

सरवानन इलावार्सुको छायांकन रहेको चलचित्रमा अखिलेश राईको सम्पादन छ । चलचित्रमा झुमा लिम्बु र गंगा थापाको संगीत छ । नेपाल र भारतसहित अन्तर्राष्ट्रिय बजारमा चलचित्र एकसाथ प्रदर्शनमा आउने निर्माण टिमलेजानकारी गराएका छन् ।

यसै साता वितरण कम्पनिहरूसँग सम्झौतापछि निर्माण टिमले आधिकारिक प्रदर्शन मिति तय गरेको हो । चलचित्रको प्रदर्शनको लागि नेपालभित्र एप्पल इन्टरटेन्मेन्ट, रीच इन्टरटेन्मेन्ट र एफडी कम्पनिले गर्नेछ भने अन्तर्राष्ट्रिय वितरकको रूपमा सेभेन सिज सिनेमा अनुवन्ध भएको छ ।