‘लाज शरणम’को प्रभावशाली टिजर सार्वजनिक

सबस्त इन्टरटेनमेन्ट,काठमान्डौ – शिवरात्रीको अवसर पारी यही फागुन १४ गतेबाट रिलिजको तयारीमा रहेको चलचित्र ‘लाज शरणम’ करिब २ मिनेट लामोको टिजर सार्वजनिक भएको छ । चलचित्रका कथावस्तु र चरित्र चित्रणबारे रिभिल गर्दै टिजरले दर्शकको ध्यान आकर्षित गरेको छ ।

टिजरको केन्द्रमा सीताराम कट्टेल ‘धुर्मुस’ छन् । अभिनेता बिजय बरालको भुमिकालाई पनि टिजरमा रोचक तरिकाले प्रस्तुत गरिएको छ ।

धुर्मुस र विजय बरालसहित चलचित्रका सबै कलाकारको झलक टिजरमा देख्न पाइन्छ । त्यसपछि दृश्यमा कफिन देखाइएको छ र कफिनलाई केन्द्रमा राखेर कथा अघि बढईएको छ ।

वैदेशिक रोजगार र युवाको श्रमशक्तिलाई केन्द्रमा राखेर निर्माण गरिएको यो चलचित्रलाई चर्चित टिभी श्रृंखला ‘सक्किगो नि’ निर्माता कम्पनी जेपीटी क्रिएसनले निर्माण गरेको हो। फागुन १४ बाट यो चलचित्र नेपालसहित अन्तर्राष्ट्रिय बजारमा एकसाथ प्रदर्शनमा आउँदैछ ।