‘एक्टर : टेक वन’ भोलिदेखि रिलिज हुने

सबस्त इन्टरटेनमेन्ट,काठमान्डौ – ‘एक्टर : टेक वन’ भोलिदेखि देशब्यापी रिलिज हुने भएको छ । वितरण कम्पनी डिजिटल सिनेमा नेपाल (डीसीएन)ले शुक्रबारदेखि प्रदर्शनमा आउने जनाएको छ ।

डीसीएनले सबै हललाई इमेल गर्दै भोलिको लागि शो तय गर्न आग्रह गरेको छ । ‘चलचित्र भोलिदेखि रिलिज हुँदैछ । सोहीअनुसार प्रदर्शन तालिका तय गर्नुहोला’ डीसीएनकी हेमा अधिकारीले हललाई लेखेको पत्रमा उल्लेख छ ।

चलचित्र विकास बोर्डले पनि चलचित्र संघलाई पत्र लेख्दै भोलिदेखि हुने प्रदर्शनमा सहजीकरण गर्न आग्रह गरेको छ । निर्माताले विहिबार पत्रकार सम्मेलन गर्दै फिल्म शुक्रबारदेखि रिलिज हुने जनाएका छन् ।

‘एक्टर’ र ‘एक्टर : वन’ चलचित्रका निर्माताबीच विहिबार भएको सहमतिपछि रिलिजको बाटो खुलेको थियो । सहमतिमा ‘एक्टर’का निर्माताले काठमाडौं जिल्ला अदालतमा विचाराधिन मुद्दालाई फिर्ता लिने सहमति भएको थियो ।