सबस्त इन्टरटेन्मेन्ट प्रा. लि द्वारा संचालित

सबस्त इन्टरटेनमेन्ट,काठमान्डौ –  चैत्र २९ गतेबाट रिलिज हुने भनेर चर्चामा रहेको चलचित्र ‘नरसिंहाः अवतार’को रिलिज डेट पोस्टपोण्ड भएर आगामी जेठ ९ गते पुगेको छ ।  आज सोमबार पत्रकार सम्मेलन गर्दै निर्माताले नयाँ प्रदर्शन मिति तय गरेका छन्  ।महानायक राजेश हमाल र अभिनेता राज कटुवालको  पोस्टर सामाजिक संजालमा पनि सार्वजनिक भएको छ  ।

रौद्ररुप धारण गरेको ‘नरसिंहाः अवतार’ रुपी भगवानको क्षत्रछायामा ‘नरसिंहा झैँ  क्रोधरुपमा कसैको छाती टेकेका हमाललाई देखाएको छ भने यो उनलाई सुहाएको  छ र साथै अभिनेता राज कटुवाललाई पनि रौद्ररुपमा देखाएको छ ।

एक्सन तथा प्रेम कथामा निर्माण भएको चलचित्रलाई दिवाकर भट्टराईले निदेशन गरेका छन् । क्रिएटिभ सिने आर्ट ब्यानरमा निर्माण भएको चलचित्रलाई नरेन्द्र महर्जन, ध्रुव न्यौपाने र दीपक ढकालले लगानी गरेका छन्  ।

चलचित्रमा कलाकारहरु राजेश हमाल, सरोज खनाल,राज कटुवाल, उषा खड्गी, नीति शाह, सनिसा भट्टराई लगायतकाहरुको अभिनय रहेको छ  ।

चलचित्रमा अभिनेता हमाल र खनालले ३२ बर्षपछि सहकार्य गर्दैछन् । यही चलचित्रबाट अभिनेता हमाल ८ वर्षपछि पर्दामा फर्किदैछन् । दर्शकका लागि हमालको पर्खाई पनि विशेष हुने देखिएको छ ।

©2025 Sabasta Entertainment All rights reserved. | Website by Appharu.com