सबस्त इन्टरटेनमेन्ट,काठमान्डौ – नयाँ वर्ष २०८२ को छेको पारेर आगामी चैत २९ गते प्रदर्शन हुन लागेको चलचित्र ‘कर्मा’ मा युवापुस्ताका चर्चित गायक सुशान्त केसीको पहिलो चलचित्र गीत ‘पागल’ युट्युबमा सार्वजनिक भएको छ । प्रदर्शन तयारीमा रहेको चलचित्र ‘कर्मा’को मौलिक गीत ‘पागल’ मा उनको स्वर र संगीत रहेको छ ।
‘पागल’ बोलको गीतको म्युजिक भिडियोलाई चलचित्रको बिषय बस्तु अनुसार तयार गरिएको छ । उक्त गीतको भिडियोमा चलचित्रका मुख्य कलाकार विपिन कार्की र उपासनासिंह ठकुरी र सुशान्त केसी फिचर्ड छन् । सुशान्तले आफ्नै युट्युब च्यानलबाट सार्वजनिक गरेको गीतलाइ राम्रै प्रशंशा दर्शकहरुले बर्शाइ रहेका छन् ।
२९ चैतमा प्रदर्शन तयारीमा रहेको चलचित्र ‘कर्मा’लाई सौरभ चौधरीले निर्देशन गरेका छन् ।
चलचित्र ‘कर्मा’मा विपीन र उपासनासँगै मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालगायतको अभिनय रहेको छ ।
एक्सन जनरामा निर्माण भएको ‘कर्मा’ ड्रामा, सस्पेन्स र एक्सन जनरामा निर्माण भएको छ । चलचित्रको कथा निर्देशक चौधरी आफैँले लेखेका छन् । ‘कर्मा’ले अन्तर्राष्ट्रिय प्रदर्शन अधिकार बिक्रीको अधिकार सेभेन सिज सिनेमाले लिएको छ ।
चलचित्रमा भाष्कर स्वाँरको संगीत निर्देशन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र निमेष श्रेष्ठको सम्पादन छ । तारानाथ न्यौपाने मुख्य सहायक निर्देशक रहेको चलचित्रमा समीर मियाको भिएफएक्स, उत्तम न्यौपानेको व्याकग्राउण्ड स्कोर, विजय बश्यालको पब्लिसिटी डिजाइन र राजेन्द्र मोक्तान कलरिस्ट रहेका छन् ।
आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी छ ।
प्रतिक्रिया