सबस्त इन्टरटेनमेन्ट,काठमान्डौ – सिमोस सुनुवारको निर्देशनमा निर्माण भएको चलचित्र ‘जन्ते बाख्रो’को पहिलो गीत ‘घामै राजा’ सार्वजनिक गरिएको छ । बिहीबार राजधानीमा आयोजित एक कार्यक्रमका बीच संगीतकार बाबुल गिरीको शब्द रचना, संगीत तथा स्वर रहेको गीतमा चलचित्रका मुख्य कलाकार सौगात मल्ल र गरिमा शर्मा रोमान्टिक अवतारमा प्रस्तुत छन् ।
गीतको अन्तिममा अभिनेता आशिफ शाहलाई पनि सप्राइजको रुपमा देखाइएको छ । गीतको अडियो तथा भिडियो उत्कृष्ट बनेको छ । आगाी जेठ ९ गतेबाट सिनेमा देशभरका चलचित्र घरमा रिलिज हुनेछ । यसअघि चलचित्रको फर्स्लुक सार्वजनिक गर्दै जेठ २३ गतेलाई प्रदर्शन मिति घोषणा गरिएको चलचित्र अब जेठ ९ गतेबाट प्रदर्शनमा आउने जानकारी चलचित्रको गीत रिलिज कार्यक्रममा गराइयो ।
निर्माण सन्तोष गौतमले चलचित्रका मुख्य अभिनेता सौगात मल्लको मुख्य भूमिका रहेको चलचित्र ‘भाईरल गोर्खे’ अर्को हप्ता नै प्रदर्शन आउने भएकाले टाइम ग्यापको लागि दुई हप्ता प्रि-पोण्ड गरिएको बताए । आफु र आफ्नो टिमले जन्ते बाख्रो निर्माणमा निकै मेहनत गरेकाले दर्शकले चलचित्र रुचाउनेमा आशावादी रहेको उनको भनाई यो । आफु जन्ते बाख्रोको नेपाल र विदेश रिलिज एकै पटक गर्ने तयारीमा रहेको पनि खुलाए ।
चलचित्रका निर्देशक सिमोस सुनुवारले पनि आफ्ना अघिल्ला चलचित्रको गल्ती कमजोरी ‘जन्ते बाख्रो’मा सुधार गर्दै दर्शकमाझ एउटा राम्रो चलचित्र पस्किने तयारी गरेको बताए । यो चलचित्रका लागि कलाकारदेखि कथा लेखनसम्म आफ्नो टिमले निकै मेहनत गरेकाले दर्शकलाई जन्ते बाख्रो मन पर्नेमा विश्वस्त देखिए ।
यता चलचित्रकी मुख्य अभिनेत्री गरिमा शर्माले आफु पहिलो पटक चलचित्र मुख्य भूमिकामा देखिएकाले स्टेज चढ्दा डर लागेको बताइन् । चलचित्रमा सौगात, आशिफर गरिमासँगै रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतका कलाकारहरुको अभिनय रहनेछ ।
मुईन इन्टरटेनमेन्टको प्रस्तुति रहने ‘जन्ते बाख्रो’ सामाजिक कमेडी कथावस्तुमा निर्माण भएको छ । प्रदीप भारद्धाजको कथा, पटकथा र संवाद लेखन रहेको चलचित्रको निर्माता सन्तोष गौतम हुन् ।
चलचित्रहरि हुँमागाईको डिओपी, उत्तम हुँमागाईको सिनेमाटोग्राफी, सुनिल शिवभक्तिको सम्पादन र रोयल भिमसेन (ट्राइडेन्ट कन्सेप्ट टिम) को पोस्टर डिजाइन रहेको छ । टिफल्क फिल्मस्ले वितरण गर्ने चलचित्रको डिजिटल राइट्स जी टु वान डिजिटलले खरिद गरेको छ।
प्रतिक्रिया