सबस्त इन्टरटेनमेन्ट,काठमान्डौ – लोकप्रिय हास्य कलाकार शिव शंकर रिजाल ‘जोगिन्दर पानवाला’ले हरेक बर्षको ‘गाईजात्रा’लाई लक्षित गर्दै हास्यव्यङ्ग्य सामाग्री बजारमा ल्याउने गर्छन् । यस्तैमा यो बर्ष पनि उनले नेताहरुलाई व्यङ्ग्यको झटारो प्रहार गर्दै गाईजात्रे कमेडी कोसेली ‘मिसन नौटंकी’ ल्याएका छन् ।
‘मिसन नौटंकी’मा उनले देशमा सबैको चासो र चिन्ताको विषय भष्टाचार र नेताहरु को गलत क्रियाकलाप उठाएका छन् । उनले पछिल्लो समय जुनै दलको नेताहरुले भन्ने गरेक ‘मिस चौरासी’का बिषयलाई समेत नौटंकीको रुपमा संख्या दिदै तिखो व्यङ्ग्य गरेका छन् । ‘मिसन नौटंकी’ ओएसआर डिजिटल मार्फत सार्वजनिक गरिएको छ ।
नेताहरुको क्रियाकलाप र समाजका बिकृति बिसंगतीमाथि व्यङ्ग्य गर्दै दर्शक तथा स्रोतालाई हास्यव्यङ्ग्यको माध्यमबाट विशुद्ध मनोरञ्जन दिने उद्देश्यले ‘मिसन नौटंकी’ सार्वजनिक गरेको कलाकार रिजालले बताए ।
हरेक बर्ष जस्तै यो पटक पनि उनले आफ्नो ‘गाईजात्रे’ कोसेलीमा प्यारोडी समेटेका छन् । यसपटक उनले हिट चलचित्र ‘जाजै जात्रा’को गीत ‘लाईदेउ माया पिरिम’मा प्यारोडी बनाएका छन् । जसमा रवि लामिछानेको जेल, नेताहरुको क्रियाकलाप, भष्टचार, लुटपाट लगायको बिषय उठाएका छन् ।
बिसं २०६१ देखि नियमित ‘गाईजात्रे’ कोसेली ल्याउदै आएका रिजालको ‘मिसन नौटंकी’ २२ औं कोसेली हो । गतवर्ष उनले ‘लुछाचुडी’ ल्याएका थिए । ‘मिसन नौटंकी’मा रिजालको अलवा राधिका हमाल, प्रेम शर्मा पौडेल, सबित्रा लामिछाने ‘सबु’, धिरेन्द्र सिंह, किरण खनाल, बेदमणी अधिकारी, बलराम धमला ‘ठुले दाई’, सबिना बिक, भिम परियार, र बालकलाकार पोस्ना श्रेष्ठको अभिनय छ। ‘मिसन नौटंकी’ लेखन, प्रस्तुति र निर्देशन रिजाल आफैले गरेका
हुन् ।
गाईजात्रा हास्य कलाकारका लागि एउटा महान् उत्सव भएकोले सधैँ झैँ यो वर्षपछि गाईजात्रे झटारो ल्याएको रिजालले बताए । ‘सधैँ झैँ यो वर्षपनि दर्शकश्रोताले मेरो कोसेलीमा माया दिनुहुन्छ भन्ने विश्वास छ’, रिजालले
भने । रिजाल अहिले राष्ट्रिय नाचघरले आयोजना गर्ने गाईजात्रे कार्यक्रम तयारीमा जुटेका छन् ।
प्रतिक्रिया