दिपक, दिपा र जितु सँगै रमाए गेथेस्बर्गवासी नेपालीहरु

सबस्त इन्टरटेनमेन्ट,काठमान्डौ – ४ भाई इन्टरटेनमेन्टको प्रस्तुतीमा “छक्का पञ्जा इन गेथेस्बर्ग” कार्यक्रम भब्य रुपमा सम्पन्न भएको छ । नेपाली चर्चित कलाकारहरु दिपकराज गिरी, दिपाश्री निरौला, जितु नेपाल लगायतकाहरु अमेरिका भ्रमणमा रहेका बेला ४ भाई इन्टरटेनमेटले भ्रमणको अन्तीम कार्यक्रम भेटघाट र विदाई स्वरूप यस कार्यक्रमको आयोजना गरेको हो ।

उक्त कार्यक्रममा वरिष्ट कलाकार शिवहरी पौडेल तथा चर्चित नायक प्रज्ववल गिरीको पनि उपस्थिती रहेको जानकारी दिनुभयो ४ भाई का प्रमुख दिवश वनले ।

पहिले पटक दिपक, दिपा र जिनु नेपाललाई गेथेस्बर्गमा देख्न पाउँदा त्यस क्षेत्रमा बसोवास गर्ने नेपाली कलाप्रेमी नेपालीहरुको बाक्लो उपस्थिति रहेको थियो । धेरैले दिपक , दिपा र जितु संग नांचगान पनि गरे ।

निरन्तर रूपमा यस्ता नेपाली कला तथा सांस्कृतीक कार्यक्रमहरुलाई निरन्तरता दिँदै जाने यस कार्यक्रमका संयोजक निमेष गिरी बताउनु भयो । नेपाली कला एवं चलचित्र क्षेत्रका विविध गतिविधी आफू जहाँ भए पनि निरन्तरता दिनुर्पछ भन्ने सोचने यस्ता कार्यक्रमहरु आयोजना गर्ने गरेको ४ भाई इन्टरसमेन्टका सल्लाहकार एवम चलचित्र प्रोडक्सन डिजईनर कृष्ण कोइरालाले बताउनु भयो । साथै कार्यक्रमको सफलताको लागी यस संस्थां ४ भाई इन्टरटेनमेन्टका सदस्यहरु उत्सव रिमाल, राजेन्द्र श्रेष्ठ अनी पुराना रेडियोकर्मी सन्जु शहीको पनि बिशेष भूमिका रहेको थियो ।

कार्यक्रमको संचालन वरिष्ठ गितकार एवं निर्माता वावुराम दाहाल ले गर्नुभएको थियो । कार्यक्रम रोचक बनाउन दिपक, दिपा अनी जितुले एकल प्रस्तुतीका साथ संयुक्त प्रस्तुती पनि गरेका थिए ।