सबस्त इन्टरटेनमेन्ट,काठमान्डौ – शोभित बस्नेत निर्देशित चलचित्र ‘पीआर’ हङकङ–मकाउ र पोर्चुगलमा पनि प्रदर्शन हुने भएको छ। निर्माण पक्षले हङकङ र पोर्चुगलमा प्रदर्शन अधिकारी विक्री गरेको जानकारी दिएको छ।
निर्देशक बस्नेतका अनुसार हङकङमा प्रदर्शन अधिकार हिमालयस क्राफ्ट एचके लिमिटेडका निर्देशक आकाश बन्जाराले किनेका हुन्। त्यसै गरि पोर्चुगलका लागि कावासोती पोर्चुगल संघका प्रतिनिधि सुकदेव अधिकारी र महेश न्यौरेले प्रदर्शन अधिकार लिएका छन्।
अब जापान,अष्ट्रेलिया,न्युजल्याण्डसँगै हङकङ र पोर्चुगलमा पनि पीआर प्रदर्शन हुने छ।
निर्देशक बस्नेतले भने,‘अहिले जापान,अष्ट्रेलिया,न्युजल्याण्डसँगै हङकङ र पोर्चुगलमा फिल्म ‘पीआर’मा सोल्ट आउट भइसकेको छ। अन्य देशमा पनि फिल्म प्रदर्शनका लागि कुराकानी भइरहेको छ।’
चलचित्रका प्रस्तुतकर्ता रञ्जित साह (आरएफएम फ्यासिलिटी म्यानेजमेन्ट) र सन्तोष तिवारी (क्यारियर्स गेटवे)का अनुसार पछिल्ला दिनमा विदेशबाट आएको माग निकै उच्च रहेको र यसले फिल्मको अन्तर्राष्ट्रिय आकर्षण बढेको छ।
यहि मंसिर २६ गतेबाट प्रदर्शन आउन लागेको यो चलचित्र एक महिनाअघि अष्ट्रेलियाकै विभिन्न स्थानमा विशेष शो गरेको थियो। उक्त शो हेरेका अधिकांश दर्शकले फिल्म राम्रो बनेको प्रतिक्रिया दिएका थिए।
चलचित्रमा आर.ए.सुरज पौडेल,विनिता कार्की, राजन कुँवर, पूजा चौधरी,आश्मा अधिकारी मस्तानी, विमला खत्री, गणेश बुढाथोकी, म्याक्स कृष्ण थापा र नवीन घायल प्रमुख भूमिकामा छन्। विशेष भूमिकामा नीर शाह, गौरी मल्ल, रविन्द्र खड्का,उत्तम के.सी.नेपाल, र दिक्पाल कार्कीलाई पनि देख्न सकिन्छ।
यस चलचित्रको प्रस्तुति रञ्जित साह र सन्तोष तिवारीको छ भने लक्ष्मण सापकोटा र प्रदीप दाहालले लगानी गरेका छन्। बन्दे प्रसादको सम्पादन रहेको यस फिल्मको ट्रेलर पनि उनैले काटेका छन्। चलचित्रको कथा गणेश बुढाथोकीले लेखेका हुन्।
चलचित्रलाई दुई क्यामेरामेन सौरभ सायमी र सौरभ लामाले खिचेका हुन् भने चलचित्रको कोरियोग्राफी रामजी लामिछानेले गरेका छन्। चलचित्रका गीतमा मानस राजको संगीत,सनुप पौडेल र नीतु पुनको गायनलाई पनि सुन्न सकिन्छ। सलोन सलिना फिल्म्सको ब्यानरमा निर्माण भएको यो चलचित्रको वितरण आर आर फिल्म्सले गर्दैछ ।
प्रतिक्रिया