सबस्त इन्टरटेनमेन्ट,काठमान्डौ – चलचित्र ‘पिआर’ ओटीटी डिजिटल प्लेटफर्म ‘एमएसएम भिडियो’मार्फत प्रसारण भएको छ। बिहिबार (आज)बाट एमएसएम भिडियोमार्फत प्रसारण भएको छ ।
गत मंसिर २६ गतेबाट प्रदर्शनमा आएको चलचित्रलाई हलमा हेर्न नपाएका दर्शकका लागि डिजिटल प्लेटफर्ममार्फत सुविधा प्रदान गरिएको हो।
शोभित बस्नेतको निर्देशनमा निर्माण भएको चलचित्रमा नेपालबाट अस्ट्रेलिया पुगेका युवाहरुको समपना स्थायी आवासीय पत्र (पीआर)प्राप्त गर्नको लागि गर्ने संघर्षको कथालाई देखाउन खोजिएको छ। अधिकांश सुटिङ अष्ट्रेलियामा गरिएको छ।
सलोन सलिना फिल्म्सको ब्यानरमा निर्माण भएको चलचित्रमा आर.ए.सुरज पौडेल, विनिता कार्की, राजन कुँवर, पूजा चौधरी,आश्मा अधिकारी मस्तानी, विमला खत्री, गणेश बुढाथोकी, म्याक्स बाबू , कृष्ण थापा नवीन घायल प्रमुख भूमिकामा छन्। विशेष भूमिकामा नीर शाह, गौरी मल्ल, रविन्द्र खड्का,उत्तम के.सी.नेपाल, र दिक्पाल कार्कीलाई पनि देख्न सकिन्छ।
यस चलचित्रको प्रस्तुति रञ्जित साह र सन्तोष तिवारीको छ भने लक्ष्मण सापकोटा र प्रदीप दाहालले लगानी गरेका छन्। बन्दे प्रसादको सम्पादन रहेको छ भने गणेश बुढाथोकीको लेखन रहेको छ। यस चलचित्रलाई आरआर फिल्मस्ले वितरण गरेको छ।
प्रतिक्रिया