पल शाह,बिपना थापा सहित ‘आ बाट आमा’ को टिम पुर्वको हल भिजिटमा 

सबस्त इन्टरटेनमेन्ट,काठमान्डौ – यही माघ १६ गतेबाट प्रदर्शनमा भइरहेको चलचित्र ‘आ बाट आमा’का मुख्य कलाकार नेपालको पुर्वका दर्शक भेट्न जाने भएका छन्। मंगलबार बिहानैदेखि इटहरी, धरान, विराटनगर, दमकका साथै बिर्तामोडका हलमा कलाकार टिम पुग्न लागेको हो।

निर्देशक चन्द्र पन्तले चलचित्रका मुख्य कलाकार पल शाह,बिपना थापा , उषा उप्रेती, सिम्रन पन्त, साइग्रेस पोखरेल कलाकार सहितको टिम पुर्वका हलमा दर्शकसँग भेट्न जान लागेको बताए। हलमा आउने दर्शकसँग भेटेर प्रतिक्रिया लिने समेत जानकारी पन्तले दिए।

शुक्रबारबाट हलमा लागेसँगै चलचित्रका कलाकार पल शाह,विपना थापा,प्रदीप रावत,उषा उप्रेती,सिम्रन पन्त लगायत अन्य कलाकार हल भिजिटमा निस्किएका छन्। दर्शकले फिल्मको प्रशंसा गरिरहेका छन।

अभिमन्यू निरवीद्वारा लिखित संवादमा अमर न्यौपाने, अभिमन्यू निरवी र चन्द्र पन्तले सहकार्य गरेको यस चलचित्रलाई आर्या इन्टरटेन्मेन्टको प्रस्तुतिमा निर्माण भएको हो। यस चलचित्रमा विपना थापा,पल शाह,प्रदीप रावत,उषा उप्रेती, सिम्रन पन्त, साइग्रेस पोखरेल,गजित बिष्ट,बेगम नेपाली लगायत कलाकारको मुख्य भूमिका रहेको छ।

निर्देशक पन्तकै कथा तथा पटकथा रहेको यस चलचित्रमा संगीत कोशिस क्षेत्री,बाबुल गिरी र थानेश्वर गौतमको छ। साथै चलचित्रको गीतको भिडियोमा कोरियोग्राफी गंभीर बिष्ट र दिलिप ओखेडाको रहेको छ।

नवराज उप्रेतीले खिचेको यस चलचित्रमा कृष्ण प्रसाद सुवेदी, ओमकार पन्त, प्रकाशजंग कुँवर,ध्रुव प्रसाद न्यौपाने र क्षितिज ढुंगानाको लगानी रहेको छ । यस चलचित्रका कार्यकारी निर्माता करण सिंह रसाली हुन्।

चलचित्रको सम्पादन मिलन श्रेष्ठको हो भने ट्रेलर र टिजरको काम साहिल खानले गरेका छन्। चलचित्रको वितरण आरआर फिल्म्सले गर्दैछ भने डिजिटल अधिकार ओएसआर डिजिटलको रहेको छ।

https://youtu.be/T3D4bXYIRug?si=gOfdushjGE5qHjDG