हामी तीन भाई’को टिजर, दाजुभाईबीचको मिलन र खटपट

सबस्त इन्टरटेनमेन्ट,काठमान्डौ – फागु पुर्णिमाको दिन पारेर चलचित्र ‘हामी तीन भाइ’को टिजर रिलिज गरिएको छ। निर्माण टिमले ओएसआरको युटुब च्यानलमार्फत चलचित्रको टिजर रिलिज गरेको हो।

टिजरमा एउटा गाउँका तीन भाईको कथालाई प्रस्तुत गरिएको छ। बिनोद न्यौपाने, कुशल बिष्ट र फलित राई एकदमै मिल्नेछन्। उनीहरु खेतबारी बारी गोरुले झैँ आफै नारिएर जोतिरहेको देखिन्छन्। मानौ,उनीहरु त्यतिधेरै मिल्छन्।

सानैमा बुबा आमा बिते पनि उनीहरुको माया ममता भनेको दाजु नै हो। आमा बुबाको माया नपाएका यि तीन भाईमध्ये एक दाजु बिनोदसँग खटपट पर्छ। टिजरले मिलेर बसेका दाजुभाई विवाहपछिको सम्बन्ध खटपट र संघर्षलाई प्रस्तुत गर्छ। नेपाली समाजमा भएको कथालाई निर्देशक मधुसुधन भट्टराईले टपक्कै टिपेका छन्। जहाँ सार्वजनिक भएको टिजरले दर्शकमाझ कौतुहलता जगाउँछ। टिजरमा विनोद न्यौपाने, लक्ष्मी बर्देवा, कुशल बिष्ट, फलित राई ,राजाराम पौडेल, रविन्द्र झा लगायतलाई देख्न सकिन्छ। हेर्दा कमेडी, मार्मिक कथामा चलचित्र बनेको अनुमान लगाउँन सकिन्छ। उनीहरुको अभिनय लोभ लाग्दो छ।

मधुसुदन भट्टराई निर्देशित यस चलचित्रमा विनोद न्यौपाने, लक्ष्मी वर्देवा, कुशल बिष्ट, आश्मा गिरी, जाहन्वी बस्नेत, फलित राई, राजाराम पौडेल, रविन्द्र झा, बिष्णु सापकोटा (हर्के हल्दार), विकास चापागाइँ, शुष्मा निरौला, यादव देवकोटा (सरापे), अन्जु हमाल, तारा शर्मा, पवन केसी, रमा बिष्ट, विरेन श्रेष्ठ, शुष्मा जिम्बा, खिन्न बहादुर भण्डारी (भोले), गोविन्द प्रसाद पौडेल, भुमिका गिरी, टेकराज पौडेल, अमृतमान महर्जन लगायतले अभिनय गरेका छन्।

यो चलचित्र प्रसिद्धि सिने आर्ट्स् प्रा.लि.को ब्यानरमा निर्माण भएको यस चलचित्रको निर्मातामा त्रिरत्न श्रेष्ठ र मनोज श्रेष्ठ रहेका छन्। साथै कार्यकारी निर्माता विक्रम तामाङ रहेका छन्। सह–निर्माता भक्तलाल श्रेष्ठ, प्रतिमा थापा पोखरेल, दुर्गालक्ष्मी पाण्डे विशेष सहयोगी शम्भु कुमार केसी रहेका छन्।

साजित महत प्रस्तुतकर्ता रहेको यस चलचित्रको पटकथा तथा सम्वाद शिवम् अधिकारीले लेखेका हुन् । शिव ढकालले खिचेको यस चलचित्रको सम्पादन बनिश शाहले गरेका छन् भने संगीत साप शक्ति, बाबुल गिरीले भरेका छन्। नृत्य कमल राई इन्द्र देव महर्जन पाश्र्व संगीत सम्राट थापा ध्वनी मिश्रण मुकेश शाह, रंग संयोजक रेनिश फागोको छ।

चलचित्रको मुख्य सहायक निर्देशक रामजी राउत र ज्ञानकुमार कट्टेलले गरेका छन् भने प्रचार साम्रगी आइडियल डिजाइनर्सले तयार पारेको हो। यस चलचित्रको सहायक सम्पादन क्यामोदिन मिया, श्रृंगार अशोक रोक्काको छ।चलचित्रमा पाश्र्वसंगीत सम्राट थापाको छ भने द्धन्द्ध निर्देशन देव महर्जनले गरेका छन्। ग्राफिक्स एक्स समिर मिया, कला निर्देशक दिनेश लामा ‘गैंडा’, निर्माण नियन्त्रक सन्देश राई (भान्जा)ले गरेका छन् भने पोस्ट प्रोडक्सनको काम मोसन स्टूडियोले गरेको हो। चलचित्रलाई नेशनल सिने ग्रुप प्रालिले वितरण गर्दैछ भने डिजिटल पार्टनर ओएसएआर डिजिटल रहेको छ।

यसअघि यो चलचित्रको प्रचारप्रसार सामाग्री स्वरुप लिरिकल गीत रिलिज भएको थियो। ‘मैले जति दुःख, पिढा,कष्ट पाको भए’गीतले दर्शकमाझ राम्रै चर्चा पायो। चलचित्र आगामी चैत १३ गतेबाट प्रदर्शनमा आउने तयारीमा छ।