‘वर एण्ड बधु’को ‘तिमी सँग’ रिलिज

सबस्त इन्टरटेनमेन्ट, काठमाडौँ: आँचल शर्मा र विवेक कर्माचार्यको मुख्य भूमिका रहेको फिल्म ‘वर एण्ड बधु’को पहिलो गीत रिलिज गरिएको छ । आइतबार राजधानीमा पत्रकार सम्मेलन गर्दै निर्माण टिमले ‘तिमी सँग’ बोलको रोमान्टिक गीत सार्वजनिक गरेको हो।  गीतमा आँचल र बिबेकलाई रोमान्टिक अवतारमा देख्न सकिन्छ। अन्जु पन्त र प्रताब दासको आवाज रहेको गीतको भिडियोलाई कविराज गहतराजले कोरियोग्राफी गरेका छन। अर्जुन पोखरेलको संगीतले गीतमा अझ सुनमा सुगन्ध भर्नेका गरेको छ। फिल्म भदौको १४ गतेबाट देशभरका हलमा रिलिज हुदैछ ।

मिलन चाम्स निर्देशित फिल्ममा फिल्ममा आँचल र विवेकको रोमान्सदेखि एक्सन हेर्न सकिनेछ । एल आर के इन्टरटेनमेन्टको ब्यानरमा निर्माण भएको फिल्ममा जानुका थापाको लगानी छ भने अमित रिजाल फिल्मका कार्यकारी निर्माता हुन् । फिल्ममा सुदिप बरालको छायांकन, हिमाल केसीको द्वन्द रहेको छ ।

फिल्ममा आँचल र विवेकका अलावा गरिमा शर्मा, विजु पार्की, हिमेश पन्त, श्रृष्टी खड्का, बिजय लामा, किरण केसी, कुसुम शर्मा, सरिता लामिछाने, रविन्द्र खड्का, अन्सु महर्जन, दिनेश काफ्ले, सीता न्यौपाने, सुरविर पण्डित, हिउवाला गौतम, यमन श्रेष्ठ लगायतका कलाकारको पनि मुख्य भूमिका छ ।