प्रियंका कार्कीको ‘ममी’ टिजर सार्वजनिक

सबस्त इन्टरटेनमेन्ट,काठमान्डौ – सो-ट्वान्टी फाइभको प्रस्तुतिमा निर्माण भएको फ्यामिली ड्रामा ‘ममी’को टिजर सार्वजनिक भएको छ ।  परिवारको प्रिय घरपालुवा कुकुरको मृत्युपछि कालो बिरालो पाल्दा घरमा आउने श्रृंखलाबद्ध रहस्यमय घटनालाई टिजरमा प्रस्तुत गरिएको छ । टिजरले दर्शकमा रहस्य र कौतुलहता भरपुर प्रयाश गरेको छ ।

थ्रीलर  ड्रामामा प्रियंका कार्की, दीया मास्के, सुलक्षण भारतीको शीर्ष भूमिका रहेको छन भने समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्ट आदि कलाक्र्हरुको अभिनय रहेको छ ।

चलचित्रलाई समर निरौलाले निर्देशन गरेकाछन् भने चलचित्रको पटकथा लेखनमा निरौला र पूर्णिमा जोशीले साथमा लेखेका हुन् ।

चलचित्रका निर्माता लोकराज जोशी र पूर्णिमा जोशी हुन् । कार्यकारी निर्मातामा सुमन कोइराला छन् । चलचित्रलाई निशाल पौडेल र शरद महतोले छायांकन गरेका हुन् । सम्पादन सुरेन महर्जनको रहेको छ । पाश्र्वध्वनिमा रोहित शाक्य, साउन्ड डिजाईनमा श्रवल आरपी, रङ संयोजनमा दीपेश चौधरी र संगीतकारमा एसडी योगी रहेका छन् ।चलचित्रलाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्नेछन् ।

चलचित्र ‘ममी’ २५ माघमा प्रदर्शन हुने भएको छ ।