पल र दीपिकाको ‘मायाबी’ गीत ‘त्यो माया हो’ रिलीज 

सबस्त इन्टरटेनमेन्ट,काठमान्डौ – निर्देशक दिवाकर भट्टराइको कथा, लेखन तथा निर्देशनमा तयार भएको चलचित्र ‘मायाबी’ को गीत ‘त्यो माया हो’ नयाँ वर्षको पहिलो दिनको अवसर पारेर सार्वजनिक गरिएको छ ।

सार्वजनिक गीतको भिडियोमाचलचित्रका मुख्य दुई कलाकार अभिनेता पल शाह तथा अभिनेत्री दीपिका प्रसाँइ फिचर्ड भएका छन्  ।सार्वजनिक गीतको भिडियोलाई कविराज गहतराजले नृत्य निर्देशन गरेका छन् । उक्त गीतमा एसडी योगी र सदीक्षा कट्टेलको स्वर, राम अविरल बिष्टको शब्द तथा एसडी योगीकै संगीत रहेको छ  ।

चलचित्रमा शम्भुजित बास्कोटा र एसडी योगीको संगीत रहेको छ । चलचित्रलाई राजु विक्रम थापाले छायांकन गरेका छन् भने मिलन श्रेष्ठले चलचित्रको  सम्पादनको काम गरेका छन् ।

चलचित्रका निर्माताहरु ध्रुव न्यौपाने, राज कटुवाल र चन्द्र पन्त हुन् भने प्रविण भट्टराई र करण सिंह कार्यकारी निर्माता रहेको चलचित्रमा मञ्जु भण्डारी, राजु पराजुली र सुमित ओलीको सह–निर्माता हुन् ।

चलचित्रमा कलाकारहरु पल शाह, दीपिका प्रसाई, प्रशान्त ताम्राकार, सुशिल सिटौला, करिश्मा श्रेष्ठ, लक्ष्मी गिरी, अञ्सु महर्जन, राजाराम पौडेल, रवि डंगोल, राम प्रसाई, दीपेन्द्र सिम्खडा, संगीता सिलवाल आदिको अभिनय रहेको  छ ।

चलचित्र फागुन १४ गतेदेखि प्रदर्शनमा  आउदैछ  ।