सबस्त इन्टरटेन्मेन्ट प्रा. लि द्वारा संचालित

सबस्त इन्टरटेनमेन्ट,काठमान्डौ – फागुन १४ गते अर्थात बुधवार महाशिवरात्रिको दिनदेखि प्रदर्शनमा आएको चलचित्र ‘मायावी’ को अर्को गीत ‘बिहानीको न्यानो मौशम’ सार्वजनिक भएको छ । चलचित्र रिलिजको भोलिपल्ट निर्माणपक्षले चलचित्रको सबैभन्दा पावरफूल गीत सार्वजनिक गरेको छ  । एसडी योगीको स्वर र संगीतमा रहेको गीतमा राम अविरल बिष्टको शब्द रहेको छ ।

गीतको भिडियोमा चलचित्रका मुख्य तीन कलाकारहरु पल शाह, दीपिका प्रसाँई र नव–नायक समिम खानलाई फिचरिङ गरिएको छ । गीतको भिडियोले पनि चलचित्र त्रिकोणात्मक प्रेमकथामा बनेको वुझ्न सकिन्छ ।

दिवाकर भट्टराइको लेखन तथा निर्देशनमा तयार भएको चलचित्रमा कलाकारहरु पल शाह, दिपिका प्रसाई, प्रशान्त ताम्राकार, सुशिल सिटौला, करिष्मा श्रेष्ठको साथमा नव–नायक समिम खानको मुख्य भूमिका रहेको छ ।

क्रियटिभ सिने आर्टसका लागि नेम महर्जन यसका लगानीकर्ता हुन् । ध्रुव न्यौपाने, राज कटुवाल र चन्द्र पन्तको लगानीमा तयार भएको चलचित्रमा प्रविन भट्टराई र करण सिंह कार्यकारी निर्माता, राजु पराजुली र सुमित वली सह–निर्माता रहेका छन् ।
चलचित्रमा राजु विक्रम थापाको छायांकन, मिलन श्रेष्ठको सम्पादन, शम्भुजित बास्कोटा र एसडी योगीको संगीत, कविराज गहतराज र प्रविण सिंहको नृत्य निर्देशन रहेको छ ।

©2025 Sabasta Entertainment All rights reserved. | Website by Appharu.com