सबस्त इन्टरटेनमेन्ट,काठमान्डौ – अभिनेता विपिन कार्कीको मुख्य भूमिका रहेको चलचित्र ‘काजी’को प्रदर्शन मिति घोषणा गरिएको छ । आइतबार प्रिभ्यू सार्वजनिक गर्दै आगामी जेठ ८ गतेलाई प्रदर्शन मिति घोषणा गरिएको हो ।
चलचित्रलाई लिएर अभिनेता विपिन कार्की निकै उत्साहित देखिएका छन् । केही दिन अघि एक सिनेकाको प्रिमियर शोमा भेटिएका विपिनलाई काजीको विषयमा प्रश्न गर्दा उनले उत्साहित हुँदै सुनाएका थिए । काजी क्लासिक लभस्टोरी चलचित्र हो । यसले मेरो अघिल्लो चलचित्र उनको स्वीले जस्तै सरप्राइज बनाउने विश्वास व्यक्त गरेका हुन् । यसलाई लक्ष्मी प्रसाद देवकोटाको उपन्यास मुनामदन जस्तै उत्कृष्ट लभस्टोरी कथाको रुपमा लिन सकिन्छ ।
चलचित्र अभिनेत्री केकी अधिकारी काजीको कजिनी पात्रको रुपमा प्रस्तुत छिन् । चलचित्रको पे्रमिल प्रिभ्यूले दर्शकमामझ चलचित्रलाई लिएर कौतुहल्ता सिर्जना गर्न सफल हुने विश्वास निर्माण टिमको छ । विवाह पश्चात एक जोडीको प्रेमलाई सुन्दर ढंगले प्रस्तुत गरिएकाले यसलाई दर्शकले रुचाउने देखिन्छ । प्रिभ्युमा चलचित्रको मेकिङ ग्राण्ड देखिनुका साथै त्यसमा समावेश संवादले दर्शकको ध्यान खिच्न सफल छ ।
रामप्रसाद रिजालको प्रस्तुति रहेको चलचित्रमा विपिन र केकीसहित सिनेमामा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउँवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरि, बुद्धी सागर खनाल, प्रशंसा सुवेदी, कृतिका शर्मा र बाल कलाकार दिक्षिता अर्याल लगायतको अभिनय छ ।
रिजाल एण्ड रिजल प्रोडक्सनको ब्यानरमा निर्माण भएकोचलचित्रलाई लक्ष्मण रिजालले निर्देशन गरेका हुन् । प्रदीप भारद्धाजको लेखन रहेको चलचित्रमा चिन्तन राजभण्डारीको छायांकन, कालिप्रसाद बास्कोटाको संगीत, ओजस्वी ओझाको प्रोडक्सन डिजाइन, रंग संयोजक श्याम कुँवर, सागर अर्यालको लोकेशन ध्वनी र सुजिल कर्माचार्यको पार्श्व संगीत छ ।
क्रिएटिभ हेड रोनाल्ड श्रेष्ठ, नृत्य निर्देशक कविराज गहतरज, प्रोडक्सन हेड प्रकाश हमाल, सम्पादन सुपरभाइजर बनिश शाह र सम्पादक बिपिन मल्ल रहेको सिनेमाको कार्यकारी निर्मातामा असिम काफ्ले र निर्माता नेहान रिजाल, विकाश राज जोशी छन् । श्रीराम बालाजी फिल्मस्ले नेपालभर वितरण गर्नेछ ।
प्रतिक्रिया