चलचित्र ‘परालको आगो’ प्रदर्शनमा आउन ९ दिन बाँकी,निर्माण पक्ष उत्साहित

सबस्त इन्टरटेनमेन्ट,काठमान्डौ – बैशाख ११ गतेबाट प्रदर्शनमा आउन लागेको चलचित्र ‘परालको आगो’को यतिबेला चर्चामा छ। यस चलचित्रको गीत,तथा ट्रेलर मेकिङको हिसावले यो फिल्म चर्चामा आएको हो। साथै यस चलचित्रमा अभिनेत्री सुहाना थापा,सौगात मल्ल,प्रकाश सपुतको कडै अभिनय देखिन्छ।

अघिल्ला चलचित्रको तुलनामा सुहानाको बिल्कुलै फरक अभिनय छ। त्यसैले पनि होला चलचित्रलाई लिएर निर्माण पक्ष आफ्नो कामप्रति दंग छ। चलचित्रका निर्माता सुशील पोखरेलले आफुले निर्माण गरेको यो फिल्मले दर्शकमाझ एक सिकिमको छाप छोड्न सक्ने बताउँछन्।

उनी भन्छन्,‘मैले धेरै चलचित्र निर्माण गरेको छु। उनीहरुको तुलनामा हेर्ने हो भने यो फिल्म हेरेपछि दर्शकमाझ छाप बस्छ भन्नेमा म ढुक्क छु।’

निर्माण पोखरेल मात्र होइन यसका निर्देशक लक्ष्मण सुनारको पनि उस्तै छन्। यस कारण चलचित्रले नेपाली चलचित्र क्षेत्रमा पहिलो पटक निर्देशक र निर्माताले प्रस्तुत गरेको बिल्कुलै नयाँ मेकिङ स्टाइलले दर्शकमाझ उत्सुकता झनै बढाएको टिजर तथा गीतमार्फत थाहा पाउन सकिन्छ।

निर्माण पोखरेल भन्छन्,‘चलचित्र केवल कथा होइन,प्रस्तुतीकरणकै हिसाबले पनि फरक र विशेष अनुभव दिन्छ।’
अझ रोचक कुरा के छ भने, यस चलचित्रमा संलग्न सम्पूर्ण कलाकारहरूले पहिलो पटक स्क्रिन शेयर गरेका छन्। उनीहरुले यसअघि कुनै चलचित्रमा सहकार्य गरेका छैनन्। त्यस कारण पनि पर्दामा देखिने उनीहरूको केमेस्ट्री एकदमै फ्रेश,प्राकृतिक र मन छुने खालको हुने अपेक्षा गरिएको छ।

यस चलचित्रका लेखक सुशील देवकोटा आफुले लेखेको भन्दा फरक कथाको फिल्म निर्माण भएको दाबी गर्छन्। उनी भन्छन्,‘‘परालको आगो’ केवल एउटा फिल्म होइन। नयाँ प्रयोग,नयाँ ऊर्जा र नयाँ अनुभूतिको संगम हो, जुन हेर्न दर्शकहरूलाई अवश्य पनि छुटाउनु नहुनेछ।’

गुरु प्रसाद मैनालीको ‘परालको आगो’ अमरकृति कथा आफैमा बुलन्द छ। सोही कथामा समिक्षाका हिसावले अब्बल मानिएको चलचित्र ‘बुलाकी’ फेम्ड निर्देशन लक्ष्मण सुनारको काम त्यसै पनि अब्बल हुन्छ। यता कमर्शियल रुपमा सफल फिल्मका निर्माता सुशील पोखरेल जुनसुकै कथामा फिल्म निर्माण गर्दैनन्। उनले लगानी गरेका अधिकांश चलचित्रसफल छन्। उनले फिल्म ‘परदेशी, मैदान, जीवनदाता, जय शिव शंकर, निगरानी, बडीगार्ड, लभसब, र राधे लगायत चलचित्रमा लगानी गरेका थिए। जुन त्यो समयमा यो फिल्म हेरेका दर्शकले बिर्सेका छैनन्। त्यस कारण पनि चलचित्रले पछिल्लो समय दर्शकमाझ सर्वत्र चासो र कौतुहलता जागेको देख्न सकिन्छ।