चलचित्र ‘एक मुठी बादल’ का लागि गौरवले घटाएका थिए ९ केजी तौल

सबस्त इन्टरटेनमेन्ट,काठमान्डौ – नेपाली चलचित्रका उदाउँदो अभिनेता हुन गौरब बिष्ट। रंगमञ्चमा दरिलो नाम बनाएका गौरवले चलचित्र क्षेत्रमा राम्रै फड्को मारिरहेका छन्। दुई वर्षअघि चलचित्र ‘परस्त्री’मा अभिनेताका रुपमा डेब्यु गरेका गौरवको अर्को कोसेली ‘एक मुठी बादल’प्रदर्शनमा आउने तयारीमा छ। यस चलचित्रमा उनी आँचल शर्मा लगायतका कलाकारसँग देखिदैछन्।

जुन हालै सार्वजनिक भएको चलचित्र ‘एक मुठी बादल’को क्यारेक्टर पोस्टरमा देख्न सकिन्छ। सार्वजनिक दुई तस्बिरमा उनको वास्तविक जीवनको लुक र चलचित्रमा देखिएको चरित्रबीच स्पष्ट भिन्नता देख्न सकिन्छ।

रोचक कुरा के छ भने उनले यस भूमिकाका लागि उनले करिब ९ केजी तौल घटाएका थिए। उनी क्यारेक्टरमा डुब्नका लागि आफ्नो शरिरको तौल घटाउन निकै मिहेनत गर्छन् भन्ने उदाहरण ‘एक मुठी बादल’ मा दर्शकले देख्न पाउने छन्। ९ केजी तौल घटाउँदै उनले आफुलाई चलचित्रको पात्र अनुसार आफुलाई पूर्ण रूपमा पात्रमा रूपान्तरण गरेका छन्। अब उनको कामको प्रशंसा कतिको हुन्छ भन्ने कुरा जेठ १ गतेबाट प्रदर्शनमा आएपछि त थाहा हुन्छ नै?त्यतिञ्जेलसम्म पर्खिउ है त।