सबस्त इन्टरटेनमेन्ट,काठमान्डौ – चलचित्र ‘खुस्मा’को नयाँ गीत ‘रुकुम मैकोट’ सार्वजनिक गरिएको छ। सार्वजनिक गीतमा चलचित्रका मुख्य कलाकारहरु धिरज मगर र उपासना सिंह ठकुरीलाई फिचर्ड गरिएको छ। गीत ‘रुकुम मैकोट’ निकै आकर्षक बनेको छ। उक्त गीतलाई सुरेन राईले नृत्य निर्देशन गरेका छन् ।
मगर समुदायको प्रेमकथा बोल्ने चलचित्रलाई एम मिडिया प्रालिको व्यानरमा निर्माण भएको हो। वीर बहादुर लामा, चन्द्र बहादुर भट्टचन, बेतान मगर, मान बहादुर धनाह मगर र सुस्मिता बुढाथोकी यो चलचित्रका निर्माता हुन् । दीपक बज्राचार्यको छायांकन रहेको चलचित्रमा एसडी योगी र छान्जु पार्कको संगीत छ ।
अशोक थापा मगरको निर्देशनमा बनेको चलचित्रमा माओत्से गुरुङ, सुजाता राई, विजय संयोग सुब्बा, राजु रेग्मी मगर, राज थापा काउचा, अस्तित्व भट्टचन, संगीता थापा मगर, अरुण पुन मगर, सारा राई लगायतका कलाकारको अभिनय छ ।
चलचित्र असोजको ३ गतेबाट प्रदर्शन हुनेछ।
प्रतिक्रिया