विनय र सुपुष्पाको ‘फेरी रेशम फिलिली’ महाशिवरात्रिमा

सबस्त इन्टरटेनमेन्ट,काठमान्डौ – रौनक विक्रम कँडेलको लगानीमा निर्माणरहेको चलचित्र  ‘फेरी रेशम फिलिली’को प्रदर्शन मिति घोषणा गरिएको छ । आइतबार सामाजिक संजालमा एक पोस्टर सार्वजनिक गर्दै आगामी फागुन १४ गते महाशिवरात्रिलाई चलचित्रको प्रदर्शन मिति घोषणा गरिएको हो ।

सार्वजनिक चलचित्रको पोस्टरमा मुख्य कलाकार विनय श्रेष्ठ र  सुपुष्पा भट्ट प्रस्तुत छन् । विनय ९ वर्षअघि प्रदर्शन भएको चलचित्र ‘रेशम फिलिली’कै लुक्स र गेटअपमा देखिएका छन् ।

निरोज महर्जनको निर्देशन रहेकोचलचित्रमा विनय र सुपुष्पासहित नीर शाह, कामेश्वर चौरासिया, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतका कलाकारहरुको अभिनय रहेको छ ।

चलचित्रको कार्यकारी निर्मातामा सुरज बम ठकुरी, सुसन प्रजापतीको छायांकन, निर्देशक महर्जन र आकाश बरालको पटकथा, नरेश किङ्ग योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत रहेको छ ।

फिल्म आर्टस्को प्रस्तुती र वि मोसन पिक्चर्सको सहकार्यमा निर्माण भएको चलचित्रको सह-निर्माताको रुपमा एनी थापा छन् । चलचित्रको सम्पादन  सुरेन्द्र पौडेलले गरेका छन् ।