‘दुःखी आत्मा’ : दयाहाङ र आँचलको ‘जुनी जुनी भरीलाई’ सार्वजनिक

सबस्त इन्टरटेनमेन्ट,काठमान्डौ – क्लक वर्क कृएसनको ब्यानरमा हिमाल कडरियाको निर्माण अनि सुदिप ढकाल कार्यकारी निर्माता रहेको साथै निर्देशक दीपेन्द्र लामा लिखित तथा निर्देशित बहुप्रतिक्षित चलचित्र ‘दुःखी आत्मा’ को पहिलो गीत ‘जुनी जुनी भरीलाई’ सार्वजनिक गरिएको छ ।

केतन क्षेत्री र मुना ठटालको स्वर, इश्वर कार्कीको शब्द तथा संगीत रहेको गीतमा ,अभिनेता दयाहाङ राई र अभिनेत्री आँचल शर्मालाई फिचरिङ गरिएको छ । उक्त गीत रोमान्टिक गीतलाई रामजी लामिछानेले कोरियोग्राफी गरेका छन । आलोक शुक्लाको छायांकन रहेको गीतको भिडियोमा रामप्रसाद चौधरीको सम्पादन छ ।

अहिले चलचित्र ‘दुःखी आत्मा’ को टिजर पश्चात सामाजिक संजाल टिकटकमा ‘ब्रेकअप कविता’ पनि भाइरल भइरहेको छ ।

चलचित्रमा दयाहाङ राई, आँचल शर्मा,अनुपविक्रम शाहि,दिया मास्के र शिशिर बाङदेल लगायतका कलाकारहरुको अभिनय रहेको छ |

चलचित्रमा चर्चित कवि श्रवण मुकारुङका विभिन्न १० वटा कविता सामेल गरिएको छ । आलोक शुक्लाद्वारा छायांकन गरिएको चलचित्र निमेष श्रेष्ठले सम्पादन गरेका छन । चलचित्रलाई आरआर फिल्मस्ले वितरण गर्दैछ ।

चलचित्र ‘दुःखी आत्मा’ फागुन २ गते (भ्यालेन्टाइन्स डे) प्रदर्शनमा आउने छ ।