सबस्त इन्टरटेनमेन्ट,काठमान्डौ – सलोन सलिना फिल्मसको व्यानरमा निर्माण हुने चलचित्र ‘पीआरः पर्मानेन्ट रेसिडेन्ट’ को अफिसियल दुई पोस्टर सार्वजनिक भएको छ । रन्जित शाह (आरएफएम फयासिलिटी मेनेजमेन्ट अष्ट्रेलिया) र लेन वे डम्प्लिङ सिड्नी प्रस्तुतकर्ता रहेको चलचित्रको निर्देशन शोभित बस्नेतले गर्दैछन् ।
आगामी फेब्रुअरी ११ बाट छायांकनमा जाने चलचित्रको सार्वजनिक पोस्टरमा फिल्मका प्रमुख कलाकारहरु छन् । पोस्टरमा आर ए सुरज पौडेल, विनिता कार्की, आस्मा अधिकारी, पुजा चौधरी र राजन कुँवर छन् । कलाकारहरुलाई खुशीको भावमा प्रस्तुत गरिएको छ । अडिसनमार्फत छनोट भएका यी कलाकारहरु नयाँ हुन् ।
निर्देशक बस्नेतका अनुसार चलचित्रको छायांकन अष्ट्रेलियाको विभिन्न सहरमा र २५ प्रतिशत छायांकन नेपालमा हुनेछ । ‘चलचित्रका लागि हामीले चार सयजनाको अडिसन लिएका थियौं । तीमध्येबाट पाँच कलाकार चलचित्रका लागि छनोट गर्यौं’, निर्देशक बस्नेतले भने ।
चलचित्रमा आर ए सुरज पौडेल, राजन कुँवर, पुजा चौधरी, विनिता कार्की, आस्मा अधिकारी, कुशल थापा, विमला खत्री, म्याक्स र नवीन घायलको अभिनय छ । चलचित्रमा ए वान ग्रुप सर्भिसका प्रदीप दाहाल र इन्द्रेणी ग्रुप का लक्ष्मण सापकोटा निर्माता र एसिया प्यासिफिक इ कलेजका गणेश केसी कार्यकारी निर्माता छन् ।
मानस राजको संगीत, शोभित बस्नेतको कथा, गणेश बुढाथोकीको पटकथा र संवाद फिल्ममा छ ।
प्रतिक्रिया