दिपक रौनियारको ‘पूजा, सर’ को टिजर सार्वजनिक

सबस्त इन्टरटेनमेन्ट,काठमान्डौ – ‘हाइवे’ र ‘ह्वाइट सन्’का निर्देशक दिपक रौनियारको निर्देशन, सत्य घटनामा आधारीत चलचित्र ‘पूजा, सर’ को टिजर सार्वजनिक भएको छ ।
दुई मिनेट लामो टिजरमा सांसदको छोरा सहित दुई बालक अपहरणमा परेपछि उनीहरुको खोजी कार्यमा प्रहरीको भूमिका सम्बन्धि कथाको चित्रण रहेको छ ।

चलचित्रमा आशा मगराती,दयाहाङ राई, ऋचा शर्मा,नेपाल निकिता चाण्डक,विजय बराल, गौमाया गुरुङ, आरती मण्डल, घनश्याम मिश्र, परमेश्वरकुमार झा, पशुपति राई र नीरज श्रेष्ठ लगायतका कलाकारहरुको अभिनय रहेको छ ।

चलचित्रको निर्माण आदि फिल्म्सका लागि दिपक रौनियार र आशा मगराती, बासुरी फिल्म्सका लागि रामबाबु गुरुङ र तन्हाउसर गेटका लागि एलन आर मिलिगनले गरेका छन्। यसले नर्वेजियन फिल्म इन्स्टिच्युटको सोर्फोन्डबाट पनि आर्थिक सहयोग प्राप्त गरेको छ ।

चलचित्रको नेपाल प्रदर्शनको टुंगो लगाउने तयारी निर्माण टिमले भेनिस फिल्म फेस्टिभल पश्चात गर्दैछन ।