समीर र सोनुको ‘१२ गाउँ’ को गीत ‘कसो कसो’ सार्वजनिक

सबस्त इन्टरटेनमेन्ट,काठमान्डौ –  अभिनेता विराज भट्टको निर्देशनमा तयार भएको चलचित्र ‘१२ गाउँ’ को नयाँ गीत ‘कसो कसो’ सार्वजनिक भएको छ । रामजी लामिछानेले कोरियोग्राफी गरेको गीतमा समीर भट्ट र सोनु चन्द्रपालको अभिनय रहेको छ । उक्त गीतमा गायक सुगम पोखरेल तथा सदीक्षा कट्टेलको स्वर रहेको छ भने  निरज सिंहको संगीत र शब्दहरु सुवास चन्द्र ढुंगेलले कोरेका छन् ।

दुई हप्ता अगाडि रिलिज भएको ‘१२ गाउँ’ को पहिलो गीत ‘ सिनेमा हेर्न जाउँ’ लाई दर्शकले राम्रै मन पराएका थिए भने यो गीतलाई पनि मन पराउने कुरामा दुइ मत नहोला  साथै समिर भट्टको चर्चा चलचित्र नगरीमा राम्रै भएको अवस्था  छ ।

चलचित्रमा समीर भट्ट र सोनु चन्द्रपालसंगै विराज भट्ट, दीया मास्के, मुरलीधर, सनिशा भट्टराई, नरेन खड्का, न्यान्सी खड्का, स्टन्ट सिल्भा, सन्तोष सरकार, कनिज कोइराला, सुलेमान शंकर, कृष्ण भट्ट, कालु राना, अर्जुन जंग शाही, भिष्म जोशी, किशोर भट्ट, तारा शर्मा आदि कलाकारले अभिनय गरेका छन् ।

चलचित्र ‘१२ गाउँ’ बडादशैँको फूलपातिको दिन यानी असोज २४ गतेदेखि प्रदर्शनमा आउने भएको छ ।