सबस्त इन्टरटेनमेन्ट,काठमान्डौ –आगामी मंसिर ७ गतेबाट प्रदर्शनको तयारीमा रहेको चलचित्र ‘तेल भिसा’को गीत ‘कती रमाईलो’ सार्वजनिक भएको छ । आज मंगलबार एक कार्यक्रमको आयोजना गर्दै चलचित्रको गीत सार्वजनिक गरिएको हो ।
चलचित्रको गीतमा मुख्य अभिनेता विपिन कार्की, पुजा चन्द, वर्षा राउत,अभिनेता दिलीप रायमाझी ,सुशील छेत्री,रिचा घिमिरे ,उषा पौडेल,अरुणिमा लम्शाल,बिम्लेश अधिकारी आदि फिचर्ड छन् । हाल अमेरिकामा रहेका धेरैजसो कलाकारहरु फिचर्ड गीतको अडियो तथा भिडियो उत्कृष्ट बनेको छ ।
चलचित्रको गीतमा आशिस अविरलको संगीत, एक नारायण भण्डारीको शब्द साथै अन्जु पन्त र आशिस अविरलको स्वर रहेको छ ।
निर्देशक शंकर घिमिरेको लेखन तथा निर्देशनमा निर्माण भएको चलचित्र ‘तेल भिसा’मा अभिनेता विपिन कार्कीको बृद्ध र जवानगरी दोहोरो भुमिका हेर्न पाइनेछ । चलचित्रमा विपिनसँगै वर्षा राउत, पुजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको अभिनय रहेको छ ।
वेलडन क्रियसनको व्यानरमा ऋचा घिमिरेको प्रस्तुती रहेकोचलचित्रमा अनिल पाण्डे र शिवराज कार्कीको लगानी छ । प्रिन्स युवराज कार्की र श्रुती दाहाल कार्यकारी निर्माता रहेको चलचित्रमा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत र अजय खड्काको सम्पादन छ ।
प्रतिक्रिया