‘तेल भिसा’ को अग्रीम बुकिङ खुला

सबस्त इन्टरटेनमेन्ट,काठमान्डौ – भोलि मंसिर ७ गते शुक्रवारबाट प्रदर्शनमा आउने नयाँ नेपाली चलचित्र ‘तेल भिसा’ को अग्रीम बुकिङ खुला गरिएको छ ।

यो चलचित्र ले देशभरका सिनेमा हलमा डेढ सय हाराहारीमा शो पाएको देखिन्छ ।

शंकर घिमिरेको लेखन तथा निर्देशनमा निर्माण भएको यो चलचित्रमा अभिनेता विपिन कार्कीलाई बुवा तथा छोरागरी दोहोरो भूमिका हेर्न पाइनेछ । यो चलचित्रमा विपिनसँगै वर्षा राउत, पुजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको अभिनय रहेको छ ।

वेलडन क्रियसनको ब्यानरमा निर्माण भएको चलचित्रकी प्रस्तुतकर्ता ऋचा घिमिरे हुन् । चलचित्रको निर्मातामा अनिल पाण्डे र शिवराज कार्की छन् भने प्रिन्स युवराज कार्की र श्रुती दाहाल कार्यकारी निर्माता हुन् । चलचित्रमा सुशन प्रजापतिको छायांकन छ । चलचित्रमा अभिनेता विपिन कार्कीले बुबा र छोराको गरी दोहोरो भूमिका निवार्ह गरेका छन् ।