सबस्त इन्टरटेनमेन्ट,काठमान्डौ – दिवाकर भट्टराइको लेखन तथा निर्देशनमा तयार भएको चलचित्र ‘मायावी’ का दुई नयाँ पोस्टर सार्वजनिक भएका छन् । सार्वजनिक पोस्टरहरुमा अभिनेता पल शाह तथा अभिनेत्री दीपिका प्रसाईलाई स्थान दिइएको छ । एउटा पोस्टरमा कलाकारहरु रोमान्टिक मुडमा छन् भने अर्को पोस्टरमा भावुक देखिएका छन् । दुई पोस्टरमा कलाकार हरुलाई भिन्न मुद्रामा देखाइएको छ ।
प्रविन भट्टराई र करण सिंह कार्यकारी निर्माता रहेको चलचित्रमा क्रियटिम सिने आर्टस् र नेम महर्जनको लगानी छ । निर्माताको रुपमा ध्रुव न्यौपाने, राज कटुवाल र चन्द्र पन्त छन् साथै, राजु पराजुली र सुमित वली सह–निर्माताको रुपमा रहेका छन् ।
चलचित्रमा पल शाह तथा दीपिका प्रसाईको साथा सुशिल सिटौला, करिश्मा श्रेष्ठ र नव–कलाकार समीम खान, राजाराम पौडेल, प्रशान्त ताम्राकार, लक्ष्मी गिरी, अंशु महर्जन, रवि डंगोल, रमा प्रसाँई, दीपेन्द्र सिम्खडा, संगीता सिलवालआदि कलाकारहरुको अभिनय रहेको छ ।
चलचित्रमा मिलन श्रेष्ठको सम्पादन, बसन्त अधिकारीको सह–निर्देशन, शम्भुजित बास्कोटा र एसडी योगीको संगीत, कविराज गहतराज र प्रविण सिंहको नृत्य निर्देशन छ ।
सांगीतिक प्रेम कथामा बनेको चलचित्र ‘मायावी’ यही फागुन १४ गतेदेखि प्रदर्शनमा आउदैछ ।
प्रतिक्रिया