प्रदीप खड्का ‘पिताम्बर’ टीजर रिलिज

सबस्त इन्टरटेनमेन्ट,काठमान्डौ – धेरै चलचित्रहरु निर्माण गरेकी ‌निर्मात्री कृषा चौलागाईँले निर्देशन गरेको दोश्रो चलचित्र ‘पिताम्बर’ को सोमवार एक कार्यक्रम आयोजना गरि टीजर रिलिज भएको छ ।  दुई मिनेटको टीजरमा चलचित्रका सबै कलाकारलाई स्थान दिइएको छ । बदलाको कथावस्तुमा आधारित भएर बनेको टीजरमा, त्यस मध्ये चलचित्रको मुख्य पात्र प्रदीप खड्कालाई बलियो भूमिकामा उभ्याइएको छ । जो हेर्दा राम्रो लाग्छ । टिजर हेरे पश्चात निर्देशको चौतरफी तारिफ हुन थालेको छ ।

चलचित्र ‘पिताम्बर’ मा प्रदीप खड्का, सौगात मल्ल, दयाहाङ राई, दिव्या रायमाझी, अनुपविक्रम शाही, सुरक्षा पन्त, प्रमोद अग्रहरी, दिव्य देव, सुपुष्पा भट्ट, कामेश्वर चौरासिया, गौरव विष्ट, विशाल पहारी आदि कलाकारहरुले अभिनय गरेका छन् । ‘

केपी फिल्मसले पुरुषोत्तम प्रधान फिल्मसको सहकार्य रहेको चलचित्र ‘पिताम्बर’का छायाँकार पुरुषोत्तम प्रधान हुन् भने चलचित्रको निर्मातामा विशाल चौलागाईँ हुन्  । प्रदीप भारद्वाजको लेखन र हिमाल केसीको द्वन्द निर्देशन रहेको चलचित्रलाई निर्देशन कृषा चौलागाईँले गरेकी छिन ।

सबैको पर्खाईमा रहेको चलचित्र ‘पिताम्बर’ दर्शकहरु माझ चैत २९ गतेदेखि आउने भएको छ ।