दुइ अलग चरित्रमा पल शाहको ‘महाराजधिराज’ को फर्स्टलुक सार्वजनिक

सबस्त इन्टरटेनमेन्ट,काठमान्डौ – अभिनेता पल शाहको चलचित्र ‘महाराजधिराज’ को पोस्टर सार्वजनिक भएको छ । निर्माण टिमले सामाजिक सञ्जालबाट पोस्टर सार्वजनिक गरेका छन् । दुइ अलग चरित्रमा अभिनेता पल शाहको ‘महाराजधिराज’ को फर्स्टलुक सार्वजनिक गरिएको छ।

पोस्टरमा दुई पुरुष छन् । एकजना राज परिवारको पहिरनमा शीरमा श्रीपेच, हातमा राजदण्ड बोकेर उभिएका छन् । उनको अगाडि कुर्सीमा बसेका अर्को व्यक्ति नग्न अवस्थामा प्रस्तुत छन् । दुवै चरित्रमा अभिनेता पल शाह देखिएका छन् ।

फिल्मको स्लोगन पनि ‘अनेकौं समस्या म देख्छु जगतमा, छ कि दोष हाम्रो आफ्नै रगतमा’ राखिएको छ । चलचित्र आगामी वर्ष २०८२ सालकाे फूलपातीमा प्रदर्शन गरिने पोस्टरमा उल्लेख छ । छत्रेश्वरी म्यानेजमेन्ट प्रालिको ब्यानरमा बन्न लागेको चलचित्रका प्रस्तुतकर्ता विराज विष्ट रहेका छन् भने चलचित्रलाई निर्देशक परिच्छेद सेनले निर्देशन गर्नेछन। निर्माताका रुपमा टोपेन्द्र बिष्ट, चक्र बहादुर केसी र रबी खड्का रहेका छन् ।

आगामी वर्ष २०८२ सालकाे फूलपातीमा प्रदर्शन गरिने लक्ष्य रखिएको कुरा पोस्टर बाट प्रस्ट छ।
सामाजिक संजाल मार्फत पल लेख्छन ‘आजको दिन मेरो लागि विशेष छ । म मेरो एघारौं फिल्म महाराजधिराजको पहिलो झलक सार्वजनिक गर्दैछु ।’