सबस्त इन्टरटेनमेन्ट,काठमान्डौ – निर्माता रोहित अधिकारीको निर्माणाधीन चलचित्र ‘माइतीघर’मा कलाकारहरुको बलियो लाइन अप रहेको छ। चलचित्रमा केदार घिमिरे ‘माग्ने बुढा’, प्रकाश सपुत, उपासनासिंह ठकुरी र दिकिला शेर्पा जस्ता दिग्गज कलाकारहरु अनुबन्धित भैसकेका छन् ।
अब निर्माण टिमले चलचित्रमा नायक धिरज मगरलाई पनि अनुबन्धित गरेको छ । निर्माता रोहित अधिकारी र अभिनेता मगरबीच सोमबार लिखित सम्झौता भएको छ । चलचित्रमा धिरज मगर सँगै चलचित्रमा कलाकारको लाइनअपले पूर्णता पाएको छ ।
मिलन तामाङले निर्देशन गर्ने चलचित्रको छायांकन चैतको अन्तिम साताबाट हुनेछ । रोहित अधिकारी फिल्म्सको ब्यानरमा निर्माण हुने चलचित्रको प्रदर्शन आगामी दशैंको फूलपातिमा हुने घोषणा गरिएको छ ।
चलचित्रको निर्मातामा रविन शेरचन र धीरज तामाङ छन् भने कार्यकारी निर्मातामा इश्वर श्रेष्ठ र नीरज कटुवाल छन् । चलचित्रको कथा चन्द्रकुमार दोङले लेखेका छन् ,पटकथा र संवाद रामशरण पाठकको हुनेछ । चलचित्रको छायांकन सुसन प्रजापतिले गर्दैछन ।
प्रतिक्रिया