‘पूर्ण बहादुरको सारङ्गी’ निर्देशकको चलचित्र ‘कोशेढुंगा’ मा नीति शाहको आगमन 

सबस्त इन्टरटेनमेन्ट,काठमान्डौ –  नेपाली चलचित्र बक्स अफिसमा ईतिहास रच्न सफल चलचित्र ‘पूर्ण बहादुरको सारङ्गी’ का निर्देशक सरोज पौडेलले नयाँ चलचित्र ‘कोशेढुंगा’ निर्देशनको घोषणा गरे संगै, उनको यस चलचित्रमा कलाकारहरुको लाईनअप बलियो भैरहेको छ ।

निर्देशक पौडेलले केहि समय अगाडी चलचित्र ‘कोशेढुंगा’ को सामाजिक संजाल मार्फत थिम पोस्टर सार्वजनिक गर्दै निर्माणको घोषणा गरेका थिए  । त्यसैगरी
केहि समय अघि अभिनेता आर्यन सिग्देल र अभिनेत्री सुरक्षा पन्तलाई अनुबन्धित गरेको कुरा चलचित्र निर्माण टिमले जानकारी गराएका थिए भने अहिले चलचित्रमा अभिनेत्री नीति शाह र अभिनेता प्रवीण खतिवडालाई पनि अनुबन्धित भएका छन् ।

चलचित्रमा नरदेवी फिल्मसको प्रस्तुति रहेकोचलचित्रमा प्रेविल कँडेल र हरि महतको लगानी रहने छ भने दिनेश खड्का कार्यकारी निर्माता रहेका छन् । बाबु श्रेष्ठको डीओपी रहने फिल्मलाई सुरेन्द्र पौडेलले सम्पादन गर्नेछन् । चलचित्रमा संगीत रिदम कँडेल र आषिश अविरलको रहनेछ ।

फागुन २ गतेदेखि छायांकन हुने चलचित्र २०८२ मा रिलिज गर्ने निर्माण पक्षको योजना छ ।