प्रियंका र दियाको हरर चलचित्र ‘ममी’को डरलाग्दो ट्रेलर रिलिज

सबस्त इन्टरटेनमेन्ट,काठमान्डौ – सो-ट्वान्टी फाइभको प्रस्तुतिमा निर्माण भएको फ्यामिली ड्रामा ‘ममी’को ट्रेलरसार्वजनिक भएको छ । चलचित्रका मुख्य कलाकार प्रिंयका कार्की सुलक्षण भारतीको संवादसँगै निम्तने विभिन्न घट्ना, भूतिया आकृतिहरूसँगको भेट र अलौकिक पात्रहरूलाई डरलाग्दो तरिकाले १ मिनेट ५७ सेकेण्ड लामो ट्रेलरमा समेटिएको छ ।

चलचित्रको मंलगबार सार्वजनिक ट्रेलरले चलचित्रको कथावस्तुको बारेमा प्रकास पार्छ । कालो विरालोलाई विशेष स्थान दिइएको चलचित्रको ट्रेलरले दर्शकमाझ कौतुहल्ता पैदा गर्ने देखिन्छ ।

थ्रीलर ड्रामामा प्रियंका कार्की, दीया मास्के, सुलक्षण भारतीको शीर्ष भूमिका रहेको छन भने समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्ट आदि कलाक्र्हरुको अभिनय रहेको छ ।

चलचित्रलाई समर निरौलाले निर्देशन गरेकाछन् भने चलचित्रको पटकथा लेखनमा निरौला र पूर्णिमा जोशीले साथमा लेखेका हुन् ।

चलचित्रका निर्माता लोकराज जोशी र पूर्णिमा जोशी हुन् । कार्यकारी निर्मातामा सुमन कोइराला छन् । चलचित्रलाई निशाल पौडेल र शरद महतोले छायांकन गरेका हुन् । सम्पादन सुरेन महर्जनको रहेको छ । पाश्र्वध्वनिमा रोहित शाक्य, साउन्ड डिजाईनमा श्रवल आरपी, रङ संयोजनमा दीपेश चौधरी र संगीतकारमा एसडी योगी रहेका छन् ।

चलचित्रलाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्नेछन् ।

चलचित्र ‘ममी’ २५ माघमा प्रदर्शन हुने भएको छ ।