विपिन र उपासनाको चलचित्र ‘कर्मा’ को गीत ‘सारी लगाइदेउ’ सार्वजनिक

सबस्त इन्टरटेनमेन्ट,काठमान्डौ – यही चैत २९ गतेदेखि प्रदर्शनमा आउन लागेको नेपाली चलचित्र ‘कर्मा’ को पहिलो गीत ‘सारी लगाइदेउ’ सार्वजनिक भएको छ । चलचित्र भित्र रहेको रत्यौली गीत हेर्दा रमाइलो बनेको छ । गीतमा सुष्मा सिग्देलको शब्द,सलिना बिकको स्वर, भाष्कर स्वारको संगीत रहेको छ ।

रमाइलो रत्यौली शैलीको गीतमा अभिनेत्री उपासना सिंह ठकुरीले आकर्षक नृत्य गरेकी छिन । गीतको भिडियोमा उपासनाले गज्जबसँग नृत्य गर्दा अभिनेता विपिन कार्की भने एकोहोरो चुपचाप उभिरहेको देखिन्छ । यहाँसम्म कि उनलाई लिपस्टिक, गाजल, टिका र साडी समेत लगाइदिँदा पनि उनी कुनै प्रतिक्रिया नदिइकन एकटकले उभिरहेको देखिन्छ ।

कविराज गहतराजको नृत्य निर्देशन रहेको गीतमा विपिनलाई चुपचाप बसेको देख्दा गीतको अन्तमा चलचित्र भित्र केहि ठुलै घटना घट्छ जस्तो लाग्छ ।  प्रेम र व्यङ्ग्य एकसाथ मिसाइएको गीतले दर्शकको मन जित्ने निर्माताको विश्वास छ ।

चलचित्रमा कलाकारहरु विपिन कार्की, उपासना सिंह ठकुरीमुकुन भुसाल, सरिता गिरी, दिब्यदेव पन्त, बेन बस्नेत, सुज्यान सिलवाल, अनिल बुढाथोकी, निर्मल शर्मा लगायतको अभिनय छ ।
एक्सन जनरामा निर्माण भएको चलचित्रलाई सौरभ चौधरीले निर्देशन गरेका हुन् । आर्टिस्टिक इन्टरटेनमेन्टको प्रस्तुति रहेको ‘कर्मा’मा वसन्त लम्सालको लगानी रहेको  छ।