सबस्त इन्टरटेन्मेन्ट प्रा. लि द्वारा संचालित

सबस्त इन्टरटेनमेन्ट,काठमान्डौ – ईपीएस स्कुलले पहिलो पटक आयोजना गरेको ‘स्कुल आइडल २०८२’ भव्यताका साथ सम्पन्न भएको छ। विद्यार्थीहरूको प्रतिभा झल्काउने उद्देश्यले आयोजना गरिएको कार्यक्रममा करिब ८० जना विद्यार्थीहरू सहभागी बनेका थिए। प्रतियोगिता सिनियर र जुनियर गरी दुई समूहमा विभाजन गरिएको थियो।

कार्यक्रमको उद्घाटन ईपीएस स्कुलकी प्रिन्सिपल प्रमिला श्रेष्ठको नेतृत्वमा सम्पन्न भएको थियो। उनले विद्यार्थीहरूको मेहनत र सिर्जनशीलताप्रति गर्व व्यक्त गर्दै निरन्तर प्रोत्साहन दिने प्रतिबद्धता जनाइन्।

कार्यक्रमको आयोजना साइमोन राजबंशी (संस्थापक, ओजस फिल्म्स एन्ड इन्टरटेन्मेन्ट) ले गरेका थिए भने व्यवस्थापन तथा सञ्चालन पक्षमा म्यानेजिङ डाइरेक्टर ईशा पोख्रेलले नेतृत्व गरेकी थिइन्। प्रस्तुतिहरूलाई आकर्षक बनाउन कोरियोग्राफर नगमा लामाले निर्देशन गरेकी थिइन्।

विजेताहरू यसप्रकार रहेका छन् :

सिनियर समूह
विजेता : आरोही थपागाई (प्रतिभागी नं. ७२)
पहिलो रनर–अप : अनुश्का श्रेष्ठ (प्रतिभागी नं. ६६)
दोस्रो रनर–अप : आयुषा खड्का (प्रतिभागी नं. ६५)

जुनियर समूह
विजेता : श्रीयासी डंगोल (प्रतिभागी नं. २८)
पहिलो रनर–अप : एरिक श्रेष्ठ (प्रतिभागी नं. २३)
दोस्रो रनर–अप : रेमण्ड शम्शेर कुँवर (प्रतिभागी नं. २७)

कार्यक्रमले विद्यार्थीहरूलाई आफ्नो क्षमता प्रस्तुत गर्ने अवसर दिने मात्र नभई कला, संगीत र प्रस्तुति क्षेत्रमा अझै अघि बढ्न प्रेरित गरेको आयोजकले जनाएका छन्।

उत्साही सहभागिता, खुसी दर्शक र विशिष्ट पाहुनाको उपस्थितिले कार्यक्रमलाई अझ भव्य बनाएको थियो। ‘स्कुल आइडल २०८२’ को सफलतासँगै ईपीएस स्कुलले सिर्जनशीलता र उत्कृष्टतालाई अझ प्रोत्साहन दिने अर्को महत्वपूर्ण उपलब्धि हासिल गरेको छ।

 

©2025 Sabasta Entertainment All rights reserved. | Website by Appharu.com