सबस्त इन्टरटेनमेन्ट,काठमान्डौ – आगामी बैशाख ११ गतेबाट रिलिज हुने चलचित्र‘परालको आगो’को दोस्रो गीत ‘सुख दुःख जिन्दगानी’ रिलिज गरेको छ। शनिबार निर्माण टिमले प्रचारप्रसारको अर्को सामाग्रीका रुपमा दोस्रो गीत रिलिज गरेको हो।
गीतमा प्रकाश सपुत र गायिका शान्तिश्री परियारले गाएका छन्। गायक प्रकाशकै शब्द तथा संगीत रहेको यस गीतलाई सुदिप सागरले गरेका छन्।
यस गीतको भिडियोमा चलचित्रका मुख्य कलाकार सुहाना थापा र प्रकाश सपुतलाई देख्न सकिन्छ। मायालु भावका प्रस्तुत भएका सुहाना र प्रकाशको जोडीलाई दर्शकले मन पराएका छन्। उनीहरुको यो पहिलो स्क्रिन सेयर हो।
निर्माण टिमले फिल्मको प्रदर्शन मिति नजिकिदै जाँदा प्रचारप्रसारलाई व्यापक बनाउन थालेको छन्। यसअघि यो फिल्मको टिजर र चलचित्रमा समावेश गीत पहिलो गीत ‘उडी जाउँ भने,म पन्छी होइन’ रिलिज गरिएको थियो। जुन गीत र टिजरलाई दर्शकले अत्यधिक म पराएका छन्। अब चलचित्रमा समावेश दोस्रो गीतका रुपमा पछिल्लो समयका चर्चित गायक गायिका प्रकाश र शान्तीश्रीको आवाजमा रहेको गीत ‘सुख दुःख जिन्दगानी’ रिलिज गरेको हो। यस गीतले पनि ग्रामिण भेगका युवा युवतीको माया र उनीहरुबीचको प्रेमलाई पर्दामा झल्काउँछ।
लोकलयमा आधारित गीतले दर्शकको मन जित्ने देखिन्छ । गाउँमा भएको घाँस दाउरा, बाख्रा गोठालाको दृश्यलाई गीतको पर्दामा देखिन्छन् । जुन गीतमा एकदमै सुहाना र प्रकाशलाई सुहाउँदो देखिन्छ । ओएसआर युटुब च्यानलमार्फत रिलिज गरिएको यस गीतलाई दर्शकले सकरात्मक प्रतिक्रिया दिइरहेका छन्। यस चलचित्रको गीतमा कोरियोग्राफी रामजी लामिछानेको छ भने फिल्मको निर्देशन लक्ष्मण सुनारले गरेका हुन्।
गुरु प्रसाद मैनालीको अमर कृति ‘परालको आगो’बाट प्रेरित यस चलचित्रमा सुहाना थापा,सौगात मल्ल,प्रकाश सपुत,सिर्जना अधिकारी, किशोर भण्डारी, ज्याक श्रेष्ठ, सरिता भण्डारी, रेणु न्यौपाने र बाल कलाकार मन्जिला बानियाँ लगायतले अभिनय गरेका छन्।
हरि ॐ सिने मेकर्स प्रा.लि.को ब्यानरमा निर्माण भएको यस चलचित्रको निर्मातामा सुशील पोखरेल रहेका छन्। उनको लगानीमा बनेको यस फिल्मको पटकथा तथा संवाद सुशील देवकोटाको छ। उनी पुराना चलचित्र लेखक तथा कलाकार समेत हुन्। संकल्प भुजेलको छायांकन,रामजी लामिछाने,मिलन श्रेष्ठको सम्पादन रहेको यस फिल्को रंग संयोजन कनाल कँवरको छ। यस फिल्मको पाश्र्व संगीतमा किरण तुलाधर,संगीतमा शान्ति ठटाल,सत्य–स्वरुप आचार्य र प्रकाश सपुतले गरेका छन्। फिल्मका गीतका शब्द रचना मनबहादुर मुखिया, सुरेन्द्र राना र प्रकाश सपुतको शब्दको छ।
यसै चलचित्रमा कला निर्देशन प्रतिक चौधरी,मुख्य सहायक निर्देशकका रुपमा करण बहादुर साउद रहेका छन्। चलचित्रको भिएफएक्समा समिर मिया र सत्यम रानाको छ भने टिजर तथा ट्रेलर सम्पादनको काम साहिल खानले गरेका छन्। चलचित्रको मिक्सिङ मुकेश शाह,निर्माण संयोजन नगेन्द्र घिमिरेको छ।
सुलभी पोखरेल र सत्यम पोखरेल निर्माता रहेको यस चलचित्रको वितरण आर आर फिल्मसले गर्दैछ। साथै डिजिटल अधिकार ओएसआरले लिएको छ।
गुरुप्रसाद मैनालीको ‘नासो’ कथा संग्रहमा समावेश कथा ‘परालको आगो’को नाममा ४५ वर्षअघि प्रताप सुब्बाले पनि चलचित्रनिर्देशनमा निर्माण भएको थियो।
प्रतिक्रिया