सबस्त इन्टरटेनमेन्ट,काठमान्डौ – निर्देशक दिवाकर भट्टराइको चलचित्र ‘मायावी’ को नयाँ गीत ‘सितारा जडेको’ सार्वजनिक गरेको छ । उक्त गीतमा दिक्षित पौडेल र समिरा थपलियाको स्वर, शम्भुजित बास्कोटाको संगीत, दयाराम पाण्डे र दिवाकर भट्टराईको शब्द रहेको छ ।
निर्देशक दिवाकर भट्टराइले कोरियोग्राफी गरेको उक्त गीतमा चलचित्रका मुख्य कलाकारहरु पल शाह, दीपिका प्रसाई, समिम खान, प्रशान्त ताम्राकार, सुशिल सिटौला, करिश्मा श्रेष्ठलाई फिचर्ड गरिएको छ । गीतले बिदाइको पलको भावुकतालाई चित्रण गरेको छ ।
चलचित्रमा राजु विक्रम थापाको डीओपी, मिलन श्रेष्ठको सम्पादन छ । दिवाकर भट्टराइको लेखन तथा निर्देशनमा तयार भएकोचलचित्रमा लक्ष्मी गिरी, अंशु महर्जन, रवि डंगोल, रमा प्रसाँई, दीपेन्द्र सिम्खडा, संगीता सिलवाल लगायतका कलाकारहरुको पनि अभिनय रहेको छ ।
ध्रुव न्यौपाने, राज कटुवाल र चन्द्र पन्तको लगानी रहेको चलचित्रमा मञ्जु भण्डारी, राजु पराजुली र सुमिन ओली सह–निर्माताको रुपमा छन् । प्रविण भट्टराई र करण सिंह कार्यकारी निर्माता रहेको चलचित्रमा नेम महर्जनको पनि लगानी छ ।
चलचित्र महाशिवरात्रिको अवसर पारेर फागुन १४ गतेदेखि प्रदर्शनमा आउनेछ ।
प्रतिक्रिया