सबस्त इन्टरटेनमेन्ट,काठमान्डौ – भोलि माघ १६ गते बुधवारदेखि प्रदर्शनमा आउने चलचित्र ‘एक्टरः टेक वन’ को हिजोसोमवार साँझ भक्तपरको क्यूएफएक्स चलचित्र भवनमा आयोजना गरेको प्रीमियर शोमा चलचित्रकर्मीहरुको राम्रै उपस्थितिथियो । नेपाली चलचित्र क्षेत्रका विशिष्ट कलाकारहरू साथै अन्य पाहुनाहरुले चलचित्रलाई असाध्य मन पराएर राम्रो प्रतिक्रिया समेत प्रशंसा गरेका छन् । प्रिमियरमा चलचित्रले पाएको प्रतिक्रियाले चलचित्र राम्रो बनेको र दर्शकहरुले मन पराउने कुरामा दुइ मत नरहेको कुरा प्रस्ट छ ।
राजन भुसालद्वारा निर्देशित यस चलचित्रमा प्रदिप खड्का, आना शर्मा, दिव्या रायमाझी, राजबल्लभ कोइराला, दिव्य देव, सृजना अधिकारी, उषा रजक, सुशील सिटौलालगायतका कलाकारहरूको प्रमुख भूमिका रहेको छ ।
चलचित्रको स्क्रिप्ट आकाश बराल र राजन भुसालले लेखेका हुन् । यस अधृत फिल्म्स् र अ मोती फिल्मको संयुक्त प्रस्तुति रहेको यो चलचित्रमा निर्माता थमन कुमार भण्डारी, क्रियटिभ प्रोड्युसर मोती कार्की र सह-निर्माता अनीश भुसाल रहेका छन् ।
बुधबारदेखि प्रदर्शनको तयारीमा रहेको चलचित्र ‘एक्टर : टेक वन’ले सोमबार बेलुकासम्म देशब्यापी १६० हाराहारीमा शो प्राप्त गरेको छ । कतिपय हलले शो खुलाउन बाँकी रहेकाले संख्यामा वृद्धि हुनसक्छ ।
मुख्य मल्टिप्लेक्स चेन क्यूएफएक्सले मात्र देशब्यापी ५६ शो दिएको छ जुन सन्तोषजनक हो । यो फिल्मविरुद्ध जिल्ला अदालत काठमाडौंमा रिट दायर भएको छ । अदालतले मंगलबारको लागि सुनुवाइ तोकेको छ ।
प्रतिक्रिया