बालेन शाहको यूट्युबबाट रिलिज हुँदै चलचित्र ‘झरीपछिको इन्द्रेणी’को पहिलो गीत

सबस्त इन्टरटेनमेन्ट,काठमान्डौ – चलचित्र ‘झरिपछिको इन्द्रेणी’को ‘फसायो लमीले’ बोलको गीत शनिबार बिहान रिलिज हुने भएको छ।

अर्जुन घिमिरे पाँडे निर्देशित चलचित्रको गीतमा अभिनेत्री दिपाश्री निरौला, अञ्जली अधिकारी र प्रदीप लामासहितका कलाकार देखिनेछन् l अधिकारी र लामाको चलचित्रमा अतिथी भूमिका हो। समीक्षा अधिकारी र वसन्त थापाको युगल स्वर रहेको गीतको शब्द, सङ्गीत संयोजन रमेश परियारले गरेका छन्। मौसम हिमालीको नृत्य निर्देशन रहेको चलचित्रका छायांकार बुद्ध थापा हुन्।

अनिशा सेन्दाङ लिम्बु निर्मात्री, अनु थापा, पंकज खड्का र राम कार्कीको सह–निर्माता तथा लाइन प्रोड्युसरमा योगेश खतिवडा र विनोद कँडेल रहेको चलचित्रलाई नागराज इन्टरटेन्मेन्ट प्रालिले निर्माण गरेको हो।

पुस ४ गते रिलिज मिति तोकिएको चलचित्रमा बरिष्ठ कलाकारहरुको अभिनय रहेको छ।
यहि चलचित्रका लागि अभिनेता गणेश उप्रेती अमेरिकाबाट नेपालमा सुटिङका लागि लामो समयपछि फर्किएका थिए।

उप्रेतीसहित रमेश उप्रेती, प्रकाश घिमिरे, दीपाश्री निरौला, सरिता गिरी, देशभक्त खनाल, निर्मल शर्मा, कृष्ण शिवाकोटी, कृष्णभक्त महर्जन, अर्जुन घिमिरे, प्रियना आचार्य, अंशु महर्जन, राजेन्द्र नेपाली लक्षणा राईलगायतको अभिनय रहेको छ। यहि चलचित्रमा कलाकार विमोचन दवाडी र जेसिका पोखरेलले डेब्यू गर्दैछन्।

बाल कलाकारमा दिप्सन चिलवालले पनि अभिनय गरेको निर्माण कम्पनीले जनाएको छ।
निर्देशक घिमिरेको कथा रहेको चलचित्रको पटकथा र संवादमा गणेश कार्की, विशाल घिमिरेको पनि योगदान रहेको निर्माण पक्षले जनाएको छ।

चलचित्रले सार्वजनिक गर्न लागेको पहिलो गीत काठमाडौं महानगरपालिका प्रमुख बालेन शाहको यूट्युबबाट रिलिज हुनेछ।