सबस्त इन्टरटेनमेन्ट,काठमान्डौ – चलचित्र निर्माण कम्पनी फोनिक फ्लिकको ब्यानरमा पौराणिक एक्सन थ्रिलर शैलीको चलचित्र ‘डिएनए’ को घोषणा गरिएको छ। निर्देशक चानस पुन मगरका अनुसार, यो चलचित्र पौराणिक कथाको ‘मोर्डन एडप्टेसन’मा आधारित थ्रिलर हुनेछ, जसमा एक्सनका रोमाञ्चक दृश्यहरू प्रस्तुत गरिनेछन्।
चलचित्र ‘डिएनए’ लाई चानस पुन मगर र मणि रत्न त्रिपाठीले संयुक्त रूपमा निर्देशन गर्ने भएका छन्। चलचित्र निर्माणको जिम्मेवारी फोनिक फ्लिकले लिएको छ भने बड पिक्चर्स र अन्डर एक्सपोज़ सिनेमासँगको सहकार्यमा निर्माण कार्य अघि बढाइनेछ।
चलचित्रको छायाङ्कन आउँदो फाल्गुनमा सुरु गर्ने योजना रहेको छ। पौराणिक कथा र एक्सन थ्रिलरको संयोजनले दर्शकहरूलाई रोमाञ्चक यात्रामा लैजाने अपेक्षा गरेको अर्का निर्देशक मणि रत्न त्रिपाठीले बताए। यस चलचित्रमा नयाँ र नौलो प्रयोगको रूपमा निर्माण गरिने बताइएको छ।
चलचित्रमा कलाकारहरू र अन्य टिमको जानकारी केही समयपछि दिइने बताइएको छ।
प्रतिक्रिया