लक्ष्मी गिरी र आशीर्वाद क्षेत्रीको ‘श्री बुकुरो: द होम कलिङ’ को टीजर सार्वजनिक

सबस्त इन्टरटेनमेन्ट,काठमान्डौ – सुदीप भुपाल सिंहको निर्देशनमा निर्माण भएको नयाँ नेपाली चलचित्र ‘श्री बुकुरोः द होम कलिङ’ को टीजर सार्वजनिक भएको छ । यस चलचित्रबाट निर्देशक सिंह सात वर्षपछि निर्देशनमा फर्किएका छन्  । यसअघि उनले चलचित्र ‘माला’ तथा ‘रुद्रप्रिया’ निर्देशन गरेका थिए ।

चलचित्रको टीजरमा ग्रामीण परिवेशको कथा देखाइएको छ । फिल्म रेञ्जको ब्यानरमा निर्माण भएको चलचित्रमा कलाकारहरु आशीर्वाद क्षेत्री, लक्ष्मी गिरी, निकिता आचार्य, प्रतिकराज आचार्य, रोशनी कार्की, राजन इशान, दीपिका थापा, लय संग्रौला, मोहन निरौला, रामबाबु रेग्मी, रश्मी भट्ट, उत्तम केसी, गीता थापा, सपना श्रेष्ठ, आशिका शाही, दीपक कार्की र रजिना विश्वकर्मा आदि रहेका छन् ।

पारिवारिक कथामा निर्माण भएको चलचित्रमा निर्देशक सिंह स्वयंको लेखन तथा रुबी सेन सिंहको लगानी रहेको छ । सञ्जय लामा र राजेश श्रेष्ठले छायांकन रहेको चलचित्र मुस्ताङ, बाग्लुङ, कास्की, दमौली, मकवानपुर तथा काठमाडौंमा छायांकन गरिएको छ  ।  चलचित्रको  गीतमा रञ्जीत गजमेर र बसन्त सापकोटाले संगीत भरेका छन् ।