सबस्त इन्टरटेनमेन्ट,काठमान्डौ – नेपाली चलचित्र बक्स अफिसमा ईतिहास रच्न सफल चलचित्र ‘पूर्ण बहादुरको सारङ्गी’ का निर्देशक सरोज पौडेलले नयाँ चलचित्र ‘कोशेढुंगा’ निर्देशनको घोषणा गरेका छन् । निर्देशक पौडेलले सामाजिक संजाल मार्फत थिम पोस्टर सार्वजनिक गर्दै निर्माणको घोषणा गरेका छन् ।
नरदेवी फिल्मसको प्रस्तुति रहेकोचलचित्रमा प्रेविल कँडेल र हरि महतको लगानी रहने छ भने दिनेश खड्का कार्यकारी निर्माता रहेका छन् । बाबु श्रेष्ठको डीओपी रहने फिल्मलाई सुरेन्द्र पौडेलले सम्पादन गर्नेछन् । चलचित्रमा संगीत रिदम कँडेल र आषिश अविरलको रहनेछ ।
‘कोसेढुंगा’ चलचित्र २०८२ मा रिलिज गर्ने निर्माण पक्षको योजना छ । सरोज पौडेल निर्देशित फिल्म पूर्ण बहादुरको सारङ्गीले नेपाली चलचित्र हलहरुमा ७५ दिन पुरा गर्दैछ ।
प्रतिक्रिया