चलचित्र ‘आ बाट आमा २’ मा जोडिए आकाश श्रेष्ठ

सबस्त इन्टरटेनमेन्ट,काठमान्डौ –  चन्द्र पन्तको निर्देशनमा निर्माण हुने चलचित्र ‘आ बाट आमा २’मा आकाश श्रेष्ठ अनुबन्ध भएका छन्। उनलाई निर्माण टिमले सोमबारचलचित्रका लागि अनुबन्ध गरेको हो। फिल्मका निर्देशक चन्द्र पन्तले आकाशलाई फिल्मको महत्वपुर्ण भुमिकाका लागि अनुबन्ध गरेको जानकारी दिए।

उनले भने,‘हामीले चलचित्रको कथा अनुसार नै आकाशलाई अनुबन्ध गरेका हौँ। यसअघि मुख्य कलाकारमा अभिनेता पल शाह र अभिनेत्री विपना थापा अनुवन्धित गरिसकेका छौँ।’

आर्या इन्टरटेन्टमेन्टको व्यानरमा निर्माण हुने यो चलचित्रका लागि विपना थापा,पल शाहका अलवा आकाश श्रेष्ठको रहने छन्। यस बाहेक अन्य कलाकारको बारेमा निर्माण पक्षले केहि खुलाएको छैन। बैशाखबाट छायांकनमा निस्किने तयारीमा रहेको यस फिल्मको कथा निर्देशक पन्तले नै लेखेका हुन्।

हलमा चलिरहेको चलचित्र ‘आ बाट आमा’ले १३ करोडभन्दा माथीको व्यापार गरिसकेको छ। पहिलो भाग सुपरहिट भएपछि निर्देशक पन्तले यसको दोस्रो पार्ट निर्माण गर्न लागेको हुन्। पार्ट वानमा विपना थापा आमाको भुमिका रहेकी छिन् भने अभिनेता पल शाह छोराको भुमिकामा रहेका छन्। साथै बुवाको भुमिकामा भारतिय वरिष्ठ कलाकार प्रदीप रावत रहेका छन्। दोस्रोमा हुन्छन् कि हुँदैनन् भन्ने कुरामा निर्माण पक्षले जानकारी दिएको छैन्। अन्य कलाकारका बारेमा निर्देशक पन्तले विस्तारै खुलाउँदै लैजाने बताए।

आगामी नयाँ वर्ष अर्थात बैशाखबाट छायांकनमा जाने यस चलचित्रको प्रदर्शन दशैंमा रिलिज गर्ने निर्माण पक्षको तयारीमा छ। चलचित्रको वितरण आर आर फिल्मस्ले गर्दैछ।